Kleaster Appingen

Kleaster Appingen wie in kleaster fan de Karmeliten yn de parochy Grytsjesyl, mei as patroanhillige Marije. It kleaster waard stichte yn 1437 en neamd nei it doarp Appingen dêr't de widze fan it lettere grevelaach Cirksena stie, dy't dêr in soad lân besieten.

Agraryske gebouwen op it eardere plak fan it kleaster (2011)

It konvint yn Appingen wie de iennichste delsetting fan de Karmeliten yn Eastfryslân en it lêste kleaster dat yn dy kriten stichte waard. Oer de skiednis fan it kleaster is net in protte bekend. Nei de trochfiering fan 'e Reformaasje kaam it kleaster yn 1545 yn 'e hannen fan 'e greven fan Eastfryslân, dy't it slope lieten.

Fan it eardere doarp Appingen en it kleaster is allinne in pleats oer dy't ûnder Visquard heart.