Margaretatsjerke (Noarch)

De Margaretatsjerke is in romanogoatyske tsjerke yn it Drintske Noarch, gemeente Noardenfjild.

Margaretatsjerke
bouwurk
lokaasje
lân	Nederlân
provinsje	Drinte
gemeente	Noardenfjild
plak	Noarch
adres	Brink 2
bysûnderheden
type bouwurk	Tsjerke
boujier	13e iuw
boustyl	Romanogotyk
monumintale status	ryksmonumint
monumintnûmer	30783
offisjele webside
Herfoarme gemeente Noarch

Skiednis

Undersyk hat útwiisd dat foar de bou fan de hjoeddeiske tsjerke op it plak twa eardere houten tsjerken stien ha. De tsjerke waard healwei de 13e iuw boud en wijd oan de hillige Margareta fan Antiochje. Der waard mei de bou fan de sealtektoer úteinset en dêrnei nei it easten wurke. Toer en skip waarden yn romaanske styl boud, wylst it koer de romanogoatyske styl fertsjintwurdiget. Boppe de yngong yn de toer is it wapen oanbrocht fan Adolf Ripperda, hear fan Peize. Letter waarden it skip fan de tsjerke ferhege en gruttere romaanske finsters ynbrocht.

Romaansk doopfont, makke fan Bentheimer sânstien yn Bad Bentheim

Yn de 19e iuw krige de tsjerke grutte neogoatyske finsters, mar de restauraasje fan 1968-1971 brocht de sitewaasje werom yn romaanske styl. It romanogoatyske koer hold jimmeroan deselde finsters.

Oan de noardlike muorre is te sjen dat der oan de tsjerke ea in sakristy stien hat.

Ynterieur

Alder as de tsjerke sels binne in wijwetterbak (of doopfont; 12e iuw) en in doopfont (13e iuw). De preekstoel mei foarstellings fan in iepen Bibel en it Leauwen, de Hope en de Leafde, in iken offerblok en de klok binne 17e-iuwsk. De heare- of Tonckensbank stamt út 1724. It ferwulft fan it koer hat beskildere ribben mei yn de slútstien in do as symboal fan de Hillige Geast.

Oargel

Nei in jefte fan Marchien Martens koe in oargel foar de tsjerke oankocht wurde. Foar it jild koe de opdracht foar de bou fan it ynstrumint jûn wurde oan de firma Friedrich Leichel en Zn. út Lochem. Op 4 oktober 1986 waard it oargel yn gebrûk nommen. Op dy dei preke de dûmny út Haggai 2:10, wylst it oargel bespile waard troch de Arumer organist J.F. Bos. It ynstrumint hat 10 registers, ferdield oer ien manuaal en oanhongen pedaal.

Keppeling om utens

• Disposysje oargel op de side fan Orgels in Drenthe

• 
  Preekstoel
• 
  Oargel
• 
  Koer
• 
  Ferwulft mei fresko fan do, symboal fan de Hillige Geast
• 
  Tonckensbank

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Margaretatsjerke, Noarch fan Wikimedia Commons.