De Olympyske Simmerspullen 1908, ek wol de IVe Olympiade neamd waarden yn 1908 yn Londen, Grut-Brittanje hâlden. It polo waard hâlden op it fjild fan de Hurlingham Club. It wie de twadde kear dat it polo op it programma stie. Alle ploegen dy't meidiene kamen út it Feriene Keninkryk.
De Hurlingham Club waard oprjochte yn 1869 en hie 17 hektare oan grûn wêr't foar de Twadde Wrâldkriich polo, golf en croquet spile waard. De earste ynternasjonale polo wedstriid waard op de fjilden fan de Hurlingham Club hâlden. Nei de kriich koe der gjin Polo mear spile wurde om't de club ferplichte waard de polofjilden te ferkeapjen foar sosjale wenningbou. Yn 1908 waard hjir it Olympyske Polo toernoai hâlden.