Psychologyske skriller

In psychologyske skriller is in filmsjenre dêr’t benammen it psychologyske aspekt yn Skrillers yn beljochte wurdt. Dêr’t in skriller troch de bank nommen in film mei in spannend plot is, wurdt by in psychologyske skriller in karakterskets fan de haadpersoan en byrollen delset en de film troch folge.

De psychologyske skriller hat oerlapings mei filmsjenres as mystearje, skriller, sciencefiction en horror.

Foarbylden

Films

21 Grams - Abre los ojos - American Psycho - Black Swan - Disturbia - Donnie Darko - eXistenZ - Fight Club - Hannibal - Identity - The Jacket - Jacob's Ladder - Lost Highway - The Machinist - Marnie - Memento - Mulholland Drive - November - Obsession - Oldboy - Pi - Psycho - Rebecca - Red Dragon - Secret Window - Session 9 - The Sixth Sense - Shattered - Silent Hill - The Shining - Signs - The Silence of the Lambs - Spellbound - Spider - Stay - Swimming Pool - The Game - The Tenant - Vanilla Sky - Vertigo - Wicker Park

Skriuwers en regisseurs

• Brad Anderson hâldt him benammen dwaande mei psychologyske horror. Hy is de regisseur fan The Machinist en Session 9.
• Dario Argento is in Italjaanske regisseur fan meast psychologyske mystearjes wêrby’t it ferline fan syn personaazjes harren aksjes yn it no bepaald.
• David Cronenberg is in Kanadeeske regisseur fan ûnder oare The Brood, Scanners, Videodrome, The Dead Zone, Dead Ringers en Spider.
• Brian De Palma brûkt de erotyk yn syn skrillers. Hy regissearre ûnder oare Sisters, Obsession, Dressed to Kill, Body Double en Raising Cain.
• David Fincher is ûnder oare regisseur fan Se7en, Fight Club en The Game.
• Alfred Hitchcock is de "master of suspense" en brûkte faak Freudiaanske konsepten yn syn skrillers, lykas yn Rebecca, Spellbound, Vertigo, Psycho en Marnie.
• Satoshi Kon is in Japanske regisseur fan anime dy’t ek as psychologyske skrillers sjoen wurde kinne.
• David Lynch is in surrealistyske regisseur. Hy is ûnder oare bekend fan de telefyzjesearje Twin Peaks en de films Lost Highway en Mulholland Drive. Hy brûkt faak de technyk dat syn haadrolspilers ek foarôf de plot fan it ferhaal net kenne.
• Christopher Nolan is in Britsk regisseur en besiket yn films as Memento en Following benammen oan te jaan hoe’t it minsklik brein wurkje kin.
• Roman Polanski is in Poalsk regisseur waans skrillers har rjochtsje op it ferfrjemde en isolearre reitsjen fan syn karakters.
• M. Night Shyamalan is in Yndiaaske regisseur dy’t bekend waard troch The Sixth Sense en letter ek The Village en Signs regissearre. Syn films ha meast in ûnferwachte ein.