Slach by Soissons

De Slach by Soissons wie yn 486 tusken it leger fan de Franken ûnder befel fan Klovis I en de resten fan it Romeinske leger ûnder befel fan Syagrius. De oerwinning dy't troch de Franken helle waard, wie in mylpeal in harren besyk de wichtichste macht yn Galje te wurden.

15e iuwsk ôfbyld: de hillige Remigius, biskop fan Reims, smeekt Klovis I om de Hillige Faas werom te jaan. Dy relikwy wie troch de Franken meinaam by de plondering fan Soissons.

Oanlieding bewurkje seksje

Nei de ynstoarting fan it West-Romeinske Ryk yn 476 wie Siagrius de ienige oerbleaune fertsjintwurdiger wurden fan de Romeinske macht yn it gebiet tusken de Loire en de Somme. Wylst de rest fan Galje yn hannen kaam fan de Germanen, die it bliken dat de Romeinen allinne by steat wienen om it sintrum fan Galje te behâlden. Siagrius hearske oer dat gebiet, it Gallo-Romeinske Ryk as in soarte kening en hie Soissons (doedestiids Noviodunum neamd) as haadplak. De sintrale lokaasje fan Soissons yn Galje en de foar it meastepart yntakt bleaune ynfrastruktuer soarge dêrfoar dat dit foar harren Germaanske buorlju in tige oantreklik gebiet wie om te oermasterjen. De Fisigoaten hienen al earder yn 463 besocht dit gebiet yn hannen te krijen. De Franken yn it easten en noarden hienen dat oant no ta neilitten. It leger fan de Romeinen bestie benammen út Frankyske hierlingen en wie net folle grutter as dat fan de Franken, mar de Franken wienen ûnderling ferdield yn ferskate lytse foarstendommen. Klovis soe der lykwols yn slagje om de Franken ûnder ien gesach te ferienjen en makke him ree foar in grutte oanfal tsjin Syagrius.

De fjildslach bewurkje seksje

By Soissons, oan de Aisne rekke de Franken yn gefjocht mei it leger fan Syagrius. De fjildslach einige lykwols yn it foardiel fan de Franken en it Romeinske leger sloech op de flecht. Nei de oerwinning koenen de Franken maklik de oerbleaune Romeinske striidkrêften ferneatigje. Siagrius besocht te flechten nei de Fisigoaten, mar de Fisigoatyske kening Alarik II,levere him út oan Klovis, dy't Siagrius fuortendaliks fermoarde liet.

Gefolgen bewurkje seksje

Troch de oerwinning kaam der lang om let in ein oan it Romeinske tiidrek yn Galje. De Franken hienen harren grûngebiet ferdûbele, de Loire waard ta de nije súd grins en Franken en Fisigoaten bourren fan inoar. Al gau soenen dizze folken ek mei inoar yn de klinch rekke en fjochtsje om de hearskippij oer Galje. Yn 507 waarden de Fisigoaten ferslein yn de Slach fan Fouillé en moasten harren werom loeke achter de Pyreneeën, wêrtroch hiel Galje ûnder Frankysk bewâld kaam.