Stichting Alde Fryske Tsjerken

De Stichting Alde Fryske Tsjerken, fêstige oan 'e Emmakade yn Ljouwert, is in organisaasje dy't bedrige tsjerken, tuorren en klokkestuollen oernimt, se restaurearret en der in nije bestimming foar siket.

De stichting is der komd op inisjatyf fan de provinsjale Tsjerkfâdij-Kommisje fan de Herfoarme Tsjerke yn Fryslân en nei Grinslanner foarbyld oprjochte yn 1970. Se wurdt holpen troch in soad frijwilligers en donateurs. De Stichting organisearret ekskurzjes en jout publikaasjes út yn in ringbân. Se hat in oerwurk- en in oargelkommisje dy't advisearje. Der is in deistich bestjoer, in algemien bestjoer en in ried fan advys.

Troch de ûnttsjerkliking en it gearfoegjen fan herfoarme en grifformearde tsjerkegemeenten wurdt in grut oantal tsjerkegebouwen oerstallich. De stifting nimt allinnich tsjerkegebouwen oer dy't ryksmonumint binne. De stifting hat sa'n fjirtich tsjerken yn Fryslân en twa klokkestuollen (Goaiïngaryp en Nijeholtwâlde) yn behear (sitewaasje 2013).

Tsjerken bewurkje seksje

Plak	Tsjerke	Ofbyld
Allingawier
Bears
Blessum
Boarnwert	Marijetsjerke
Boer
Boksum
Britsum
Britswert
Eastrum	Sint-Nikolaastsjerke
Feinsum	Sint-Fitustsjerke
Foudgum	Marijetsjerke
Ginnum
Hantumhuzen
Hegebeintum	Tsjerke fan Hegebeintum
Hijum
Jorwert	Tsjerke fan Jorwert
Jouswier
Ketlik
Koartsweagen
Lichtaard
Lytsewâld
Nijeholtwâlde
Olterterp	Sint-Hippolytustsjerke
Peins	Sint-Gertrudistsjerke
Raard	Jehannes de Dopertsjerke
Sibrandahûs
Sint Jabik	Groate Kerk
Skalsum	Nikolaastsjerke
Skuorregea
Swichum	Nikolaastsjerke
Ter Idzard
Terbant	Rotondetsjerke
Twellingea
Westhim	Bartolomeüstsjerke
Westernijtsjerk
Wetsens	Sint-Fitustsjerke_(Wetsens)
Wier
Sweins	Reginatsjerke