Strobos is in doarp yn it noardeasten fan de gemeente Achtkarspelen. It leit oan de grins mei Grinslân, dêr't it Prinses Margrietkanaal oanslút op it Van Starkenborghkanaal.

Strobos
Grinzerstreek
Grinzerstreek
Emblemen
               
Polityk
Lân flagge fan Nederlân Nederlân
Provinsje Fryslân
Gemeente Achtkarspelen
Sifers
Ynwennertal 315 (1 jannewaris 2023)[1]
Oerflak 3,21 km², wêrfan:
- lân: 2,95 km²
- wetter: 0,26 km²
Befolkingsticht. 144 ynw./km²
Oar
Tiidsône UTC +1
Simmertiid UTC +2
Koördinaten 53° 14' N 6° 12' E
Doarpsgebiet fan Strobos yn de gemeente Achtkarspelen
Doarpsgebiet fan Strobos yn de gemeente Achtkarspelen
Offisjele webside
www.gerkesklooster-stroobos.nl
Kaart
Strobos (Fryslân)
Strobos

Tegearre mei Gerkeskleaster foarmet Strobos it twillingdoarp Gerkeskleaster-Strobos.

Strobos hat 315 (1 jannewaris 2023)[2] ynwenners.

Skiednis bewurkje seksje

 
Bedriuwen oan it kanaal

De namme soe foar it earst brûkt wêze yn 1655, doe't it Hoendjip groeven waard, en soe ferwize nei ûnderkommens fan strie foar de arbeiders dy't it kanaal groeven.
Strobos hat syn spoaren fertsjinne yn de wrâld fan skipfeart en hannel, mei't it op de grins lei en in slûs hie. De feart nei Dokkum ta hjit net foar neat Strobosser Trekfeart. Oant yn de jierren 1950 hie de stêd Grins in kanaal nei it Hoendjip wêryn de namme Strobos foarkaam.

Oant 1993 waard it doarp Strobos midstwa snien troch de grins mei de eardere gemeente Gruttegast (no gemeente Westerkertier), dy't tagelyk ek de grins mei de provinsje Grinslân foarme. Dy grins lei op de krusing fan Sarabos en de Miedwei. Om't dat in soad praktyske beswieren levere, is it Grinslanner diel fan Strobos nei Achtkarspelen oergien. It Fryske diel fan Strobos bleau lang in buorskip fan Gerkeskleaster; yn de rin fan de tiid groeide Gerkeskleaster oan Strobos fêst en tsjintwurdich rint de bebouwing yn inoar oer.

De bebouwing fan Strobos en Gerkeskleaster rint tsjintwurdich yn inoar oer, ek al binne it noch altiten twa aparte doarpen.

De lizzing oan it Prinses Margrietkanaal/Van Starkenborghkanaal is al tige lang fan grut belang foar dy doarpen. De yndustry krige al gau in kâns en yn de twa doarpen sitte dan ek en pear grutte bedriuwen. Yn 1850 waard yn Strobos de noch besteande skipswerf Barkmeijer stifte.

Mienskip bewurkje seksje

It doarpshûs hjit "Rehobot" en de doarpskrante "De Tweeling". Der is in feriening foar Pleatslik Belang en in Stifting Doarps Aktiviteiten. Yn Gerkeskleaster en Strobos wurdt njonken Frysk fral it Kleastersk (Kloasters) praat.

Tsjerke bewurkje seksje

Strobos krige pas in eigen tsjerke mei de Ofskieding. Dat tsjerkje stie oan de Grinzerstreek en waard sletten nei't yn 1926 de nije tsjerke yn Gerkeskleaster boud waard. It gebou krige in oare funksje, mar bestiet noch jimmeroan.

Skoalle bewurkje seksje

It doarp hat mei Gerkeskleaster ien basisskoalle: de prot.-kristlike basisskoalle "De Claercamp". In eigen skoalle hat Strobos nea hân.

Ferienings/stiftings bewurkje seksje

 
Gerkeskleaster, lofts it suvelfabryk
  • Biljertferiening
  • Brassband Gloria Deï
  • Brassband jongerein Pro Junior
  • Fokaal Enseble Intermezzo
  • Fûgelwacht Gerkeskleaster/Strobos
  • Fuotbalferiening GSVV
  • Gymnastiekferiening MBVO en DIO
  • Koar Zingt Gode Lof
  • Kuorbalferiening Frigro
  • Shantykoar Grinsgefal
  • Stifting Histoaryske Kring Gerkeskleaster-Strobos
  • Stifting Musical

Befolkingsferrin bewurkje seksje

Jier 2013 2016 2015 2020
Ynwenners 255 265 322 317

Berne bewurkje seksje

Strjitten bewurkje seksje

Alde Feart, Doarpsterwei, Fryske Streek, Grinzerstreek, Hellingstrjitte, It Breed, Hoendjip Noardside, Miedwei, Sarabos, Zwerus Kooistrjitte.

Ferskaat bewurkje seksje

Ungefear 700 meter noardeastlik fan Strobos stiet oan de Alde Feart yn it doarpsgebiet fan Gerkeskleaster in Amerikaanske wynmotor, in poldermole dy't oanwiisd is as ryksmonumint.

Publikaasjes bewurkje seksje

  • Klaas van der Schuit, Jannie Geertsma-Hamstra -"Gerkesklooster–Stroobos, het dorp dat leeft"
  • Klaas van der Schuit - "Tweede Wereldoorlog 1940-1945 Gerkesklooster Stroobos"
  • Klaas van der Schuit - "100 jaar Bijzonder Onderwijs te Gerkesklooster-Stroobos 1884-1984"
  • Klaas van der Schuit - "Zangvereniging " Zingt Gode Lof " 50 jaar 1946-1996"
  • Klaas van der Schuit - "Brassband "Gloria Deï" 1923-1998"
  • Klaas van der Schuit - "Barkmeijer Shipyards 150 jaar 1850-2000"
  • Klaas van der Schuit - "Gereformeerde Kerk Gerkesklooster-Stroobos 1926-2001"
  • Klaas van der Schuit - "Korfbalvereniging Frigro Gerkesklooster-Stroobos 1953-2003"

Sjoch ek bewurkje seksje

Boarnen, noaten en referinsjes bewurkje seksje

Boarnen, noaten en/as referinsjes:

Boarnen, noaten en referinsjes bewurkje seksje

Boarnen, noaten en/as referinsjes:
 
Plakken yn de gemeente Achtkarspelen
 
Haadplak: Bûtenpost
Doarpen en útbuorrens: BoelensloaneDroegehamGerkeskleasterDe HarkemaKoatstertilleStynsgeaStrobosSurhústerfeanSurhuzumTwizelTwizelerheide
Buorskippen: BlauforlaetBlauhûsBuwekleasterDykhuzenHamsherneKoartwâldDe KoatenKûkherne (foar in part) • De Lêste StoerLytsepostOphûsReahelReaskuorreSurhuzumer Mieden