Taalgebiet
In taalgebiet is in gebiet dêr't in beskate taal (memmetaal) en de dêroan besibbe dialekten sprutsen wurdt. In taalgebiet hoecht net perfoarst mank mei in steatkundige ienheid te wêzen. Sa beslacht it Fryske taalgebiet de provinsje Fryslân, sûnder de Stellingwerven, It Bilt, eastlik Kollumerlân, Flylân, It Amelân en Midslân op Skylge, mar wol wer de Grinslânske doarpen De Wylp, Mearum en De Grinzer Pein.
Oare taalgebieten bewurkje seksje
- Arabysk yn de Arabyske wrâld. Ferskate lannen hawwe lykwols harren eigen spraakferiant.
- Dútsk yn Dútslân, Eastenryk, Lychtenstein, Lúksemboarch, Dútsktalich Switserlân en de Dútsktalige Mienskip yn Belgje. Ek is der in Dútsktalige mienskip yn Namybje, dêr't Dútsk de offisjele taal fan is.
- Ingelsk, feriene yn de Anglosfear (Anglosphere); Austraalje, it Feriene Keninkryk, Feriene Steaten, Ierlân, Kanada, Nij-Seelân en ferskate eardere Britske en Amerikaanske koloanjes dy't foar in grut part feriene binne yn it Mienebest fan Naasjes, dêr't Ingelsk njonken de lânseigen talen de offisjele taal is.
- Frânsk, feriene yn de Frankofony (la Francophonie); Frankryk, Belgje, Lúksemboarch, westlik Switserlân, Monako, eardere Frânske koloanjes yn Afrika, de Frânske Antillen, de Kanadeeske provinsjes Kebek en Nij-Breunswyk en parten fan de Feriene Steaten: Louisiana en noardlik Nij-Ingelân.
- Nederlânsk, feriene yn de Nederlânske Taaluny; Nederlân, Belgje, Suriname, Arûba, Kurasao en Sint-Marten.
- Portegeesk, feriene yn de Lusofony (Lusofonia); Portegal, Brazylje, eardere Portegeeske koloanjes yn Afrika, East-Timor en Makau.
- Spaansk, feriene yn de Hispanofony; Spanje, Hispano-Amearika, Ekwatoriaal-Guinee en ek wol it súdwesten fan de Feriene Steaten wurdt wol ta de Hispanofony rekkene.