Techum
Techum is in buorskip en in wyk yn it suden fan de stêd Ljouwert. De wyk leit besuden Jabikswâlde, dat ûnder Goutum falt. Techum is in wenwyk dy't yn in foarm fan in doarp boud waard en is part fan de gruttere wyk De Súdlannen.
Techum wie in besteande buorskip op in terp en waard troch de iuwen neamd as Dacheim, Teghum en Tichum.
Techum is neamd nei de monumintale kop-hals-romppleats "Techum", oan de râne fan de lykneamde terp (yn de Midsiuwen neamd Dacheim). De pleats út 1904 en de terp hâlde harren agraryske karakter en wurde beskôge as weardefolle histoaryske eleminten yn de nije wyk, krektas de besteande wetterrin De Boarn. It bouplan beslacht 450 wenten. Nijsgjirrich is de yn 2009 iepene Eco Zathe, in duorsume waarmte- en elektrisiteitssintrale fan Essent. De sintrale wurket op biogas, dat troch in piiplieding oanfierd wurdt fan de op sa'n 5,5 km ôfstân lizzende proefpleats Nij Bosma Zathe (earder yn Selmien). Ek sil as proef de earste Eco Iglo (amfibyske wenfoarm) fan Nederlân yn Techum setten wurde.
De wyk hat twa basisskoallen: De Sprong en De Pionier.
-
Techum (2012) -
Huzen oan De Boarn (2014) -
Kop-hals-romppleats yn Techum (2012)
Sjoch ek bewurkje seksje
| Boarnen, noaten en/as referinsjes: |
|
