Thomas Boston
Thomas Boston (Duns, 17 maart 1676 - 20 maaie 1732) wie in Skotsk puriteinsk predikant en teolooch.
Thomas Boston wie in soan fan John Boston en Alison Trotter Yn 1700 boaske er mei Katharina Brown. Fan 1699 oant 1707 wie er predikant yn Simprin en fan doe te Ettrick, oant syn dea yn 1732.
Hy kaam ta bekearing (d.w.s. hy rekke yn syn gewisse sa oertsjûge fan de wierheid fan de bibel dat er alles wat ierdske en himelske saken oanbelanget net mear yn him sels, mar by de Heare Jezus socht) ûnder de prediking fan Henry Erskine, de heit fan Ralph en Ebenezer Erskine. Hy wie in saneamde Kovenanter. It boek Marrow of modern divinity (It moarch fan it Evangeelje) fan Edward Fisher hat grutte ynfloed op syn leauwenslibben hân.
Thomas Boston hat ek sels ferskillende boeken skreaun, wêrûnder:
- Human nature in its fourfold state ('De fjouwerdûbele Steat')
- The Crook in the Lot ('It brike yn it libbenslot')
- Hell (ISBN 978-1-84685-748-5)
- The Art of Man-Fishing (ISBN 978-1-85792-106-9)
- Memoires of the life, time and writings of the reverend and learned Thomas Boston AM. With introduction and notes by G.H. Morrison MA). ISBN 9789088650079