Wytwangfluitein
De wytwangfluitein (Dendrocygna viduata) is in fûgel út de famylje fan 'e einfûgels (Anatidae). It is ien fan 'e acht soarten fan it skaai fluiteinen (Dendrocygna).
| Wytwangfluitein | ||||||||||||
|---|---|---|---|---|---|---|---|---|---|---|---|---|
.jpg){kind=icon}
| ||||||||||||
| taksonomy | ||||||||||||
| ||||||||||||
| soarte | ||||||||||||
| Dendrocygna viduata | ||||||||||||
| Linnaeus, 1766 | ||||||||||||
| IUCN-status: net bedrige
| ||||||||||||
| ferspriedingsgebiet | ||||||||||||
|
Beskriuwing
bewurkje seksje_(31189687175).jpg)
De wytwangfluitein hat in lange grize snaffel, in lange nekke en lange poaten. Syn nekke en kop binne swart en hy hat in wyt gesicht. De hals is kastanjebrún. It hinget fan it gebiet fan 'e fûgel ôf hoefolle wyt dêr is; de wytwangfluiteinen yn westlik Afrika ha bygelyks mear swart. De rêch en wjukken binne donkerbrún oant swart en ûnder is de fûgel ek swart mei fine wite streken op 'e flanken.
Der bestiet gjin ferskil tusken jerken en sijkes. Juvenilen ha deselde kleuren, mar minder kontrastearjend.
Fersprieding
bewurkje seksjeDe wytwangein hat in wat nuver ferspriedingsgebiet yn sawol Afrika as Súd-Amearika. Der is dêrom wol ornearre dat de soarte mooglik nei oare lokaasjes yn 'e Nije Wrâld brocht is. Yn sawol Afrika as Súd-Amearika bestiet it biotoop út swietwettermarren of opslachmarren mei in soad begroeiïng. De ein yt planten en sied.
Gedrach
bewurkje seksje.jpg){kind=icon}
It nêst wurdt op 'e grûn yn in kûle boud of tusken reidfjilden. It bestiet út 6 oant 12 aaien dy't troch jerk en sijke útbret wurde. De aaien kommen nei 26 oant 28 dagen út. It jerkje en it sijke passe op 'e piken en hâlde se ynearsten tusken it reid. Piken binne donker en giel. Twa moannen nei it útkommen kinne se fleane.
Wytwangeinen binne sosjale fûgels en komme by it lemieren yn kloften fan wol tûzen fûgels of mear op 'e plakken oan dêr't se graach wêze meie. De fûgels meitsje in soad leven en ha in dudlike fluittoan fan trije toanen.
De fûgel is gruttendiels in stânfûgel, mar kin lokaal noch wol 100 km of fierder trekke.
Status
bewurkje seksjeOp 'e wytwangfluitein is de Oerienkomst ta Behâld fan trekkende Afrikaansk-Euraziatyske wetterfûgels (AEWA) fan tapassing. De IUCN klassifisearret de fûgel as net bedrige op 'e Reade list. De wrâldpopulaasje waard yn 2023 op 1.410.000 oant 1.700.000 fûgels rûsd.
Keppeling om utens
bewurkje seksje- BirdLife, oproppen 2 febrewaris 2025.
- Ebird, oproppen 3 febrewaris 2025.
- Avibase, oproppen 2 febrewaris 2025.
| Boarnen, noaten en/as referinsjes: | ||
|
Dit artikel is foar in part in oersetting fan it Ingelsktalige artikel. Sjoch foar boarnen en referinsjes: de:White-faced whistling duck
|
