Aart Cornelissen
Aart Cornelissen (*1965?) is in yllustrator fan tydskriften, berneboeken strips en reklamewurk. Cornelissen hat in heale baan by de GGZ. Aart is autodidakt, mar folge lessen by Matthijs Röling oan de keunstakademy Minerva.
Syn earste strip wie 'De Aventoeren fan Hotze Klots' út 2005 (skript troch Otto Gielstra). De strip giet oer Fryske tema's as keatsen en de Alvestêdetocht. In oar stripferhaal fan him is 'Simonsoog', dat ferskynde yn 'Wad en Stad' dat op de fearboaten nei de Fryske waadeilannen te krijen is.