Abalak

Abalak is in doarpke yn it rajon Tobolsk fan de oblast Tjûmen yn Ruslân. It doarp leit 20 km fan de stêd Tobolsk oan de hege kant fan de Irtysj.

Abalak Абалак
Polityk
Lân	Ruslân
oblast	Tjûmen
Sifers
Ynwennertal	806 (2010)
Hichte	98 m
Oar
Tiidsône	UTC+5:00
Koördinaten	58° 07' N 68° 35' E

Skiednis

Foar de oermastering fan Sibearje wie Abalak in lytse Tataarske stêd. De namme tanket it plakje oan de Tataarske prins Abalak, de soan fan de Sibearyske khan Mar. Op 5 desimber 1584 wie by Abalak in fjildslach tusken Kozakken en de horde fan Mamatkul, dy't de wei foar Jermak Timofejovitsj om Sibearje te feroverjen fierder iepene.

It tsjintwurdige doarp ûnstie yn de 17e iuw. Yn 1636 hie in lokale bewenner fan it doarp mei de namme Marije in fizioen fan de ikoan fan de Mem Gods. Op it plak fan de ferskining waard in tsjerke boud en oan it begjin fan de 18 iuw stie der al in kompleks fan tsjerken, dêr't yn 1783 it Znamenski-kleaster iepene waard.

Tichteby it doarp is neffens de tradysjes fan it âlde Ruslân njonken it kleaster in toeristysk sintrum boud mei in rekonstruksje fan in fort út de tiid fan Jermak's fjildtocht.

Ofbylden

• 
  Znamenski-kleaster
• 
  Rekonstruearre fort

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Абалак Commons Wikimedia Commons  Ofbylden dy't by dit ûnderwerp hearre, binne te finen yn de kategory Abalak fan Wikimedia Commons.