Arachnology
Arachnology is de tûke fan 'e biology dy't him taleit op it bestudearjen fan spineftigen, en heart dêrmei ta de soölogy. It wurd 'arachnology' komt fan it Grykske ἀράχνη, arachnē ("spin"), en -λογία, -logia ("kunde"). Foarhinne waard dizze stúdzje ta de entomology rekkene, mar tsjintwurdich wurdt it der yn 'e regel los fan sjoen, as in tûke fan 'e bredere artropodology, de stúdzje nei de lidpoatigen (Arthropoda). Oare stúzjefjilden binnen de artropodology binne de entomology (stúdzje fan ynsekten), de karsinology (stúdzje fan kreefteftigen) en de myriapodology (stúdzje fan tûzenpoatigen).
Under de arachnology falt net allinnich de stúdzje fan 'e spinnen, mar ek fan ferskate groepen besibbe bisten, lykas de skorpioenen, de bastertskorpioenen en de langpoatspinnen. De arachnology kin opdield wurde yn de folgjende spesjalismen:
- akarology, de stúdzje fan miten en tiken
- araneology, de stúdzje fan spinnen en langpoatspinnen
- skorpiology, de stúdzje fan skorpioenen en bastertskorpioenen
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: External links, op dizze side.
|
