Arent Roggeveen
Arent Roggeveen (Delfshaven, earste helte 17e iuw - beïerdige yn Middelburch, 27 novimber 1679) wie in Nederlânsk dichter en wiskundige mei in soad kunde fan stjerrekunde, ierdrykskunde en seefeartkunde.
.jpg)
Roggeveen makke in atlas en printeboeken mei geografyskee en stjerrekundige ynformaasje. Hy wie learaar fan berop en joech les yn boppeneamde fakken. Teffens wie er priuwer fan wyn en sterke drank.
Roggeveen wie kartograaf by de VOC-keamer yn Seelân en wie mei syn soan Jacob Roggeveen dwaande mei ûndersyk nei it net bekende Súdlân.
Om 1671 hinne krige er in oktroai fan de Westyndyske Kompanjy foar in ûntdekkingstocht, mar fanwege de it Rampjier 1672 waard dat neat. Roggeveen makke in atlas fan de westkust fan Amearika, mar stoar yn 1679. Syn soan Jacob soe, yn de âldens fan 62, de reis ûndernimme.
Hy joech om 1669 hinne in ferbettere útjefte út fan in treurspul yn dichtfoarm fan Samuel Bollaert: 't Nederlantsche Treurspel, synde de verkrachte Belgica, ‘vertoonende d'onheylen van 1555-1584’, dat faak spile waard troch de Middelburchske rederikerskeamer Bloemken Jesse dêr't er ek lid fan wie.
Wurk
bewurkje seksjeIn karút:
- Het nieuwe droevige nachtlicht ontsteken door Gods toren, ende vertoont op de Aardtkloot in een comeet ofte steersterre, den 15 van Winterm. 1664 tot den 9 van Sprokkelm. 1665, uitgegeven door Thomas Berry, Middelburg, 1665.
- Het Statenhof en der zeehelden bazuyn uytgeblasen over de Victorye bevochten op den 11, 12 13 en 14 Junij 1666, uitgegeven te Middelburg, 1666.
- Den Zeeuwschen Merkurius, en kransdrages, met gedachtenuytgebeelt aen de overleden zeehelden gebleven voor 't Vaderlandt. In de zeeslag voorgev. in de Noort-zee op den 4 Aug. 1666, uitgegeven door Joh. van den Eede, Vlissingen, 1666.
- 't Nederlandtsche treurspel, synde de verkrachte Belgica vertoonende d'onheylen voorgevallen 't sedert den 25 van Wijnm. 1555 tot den 10 van Hooim. 1584', uitgegeven door Pieter van Goetthem, Middelburg, 1669.
- Het brandende veen', hierin werden alle vaste kusten en de eilanden van geheel de W.I. opgenomen, uitgegeven door Pieter Goos, Amsterdam, 1675 en in 1687 door Jacob Robijn.
- Voorlooper op 't octroy, van de hoog. mog. heeren Staten Generael, verleent aen Arent Roggeveen en sijn medestanders over de Australisse zee ofte beter geseght het onbekende gedeelte des werelts, gelegen tusschen de meridiaen der Strate Magalanes westwaert, tot de meridiaen van Nova Gunea, soo noordtwaert als zuydtwaert. Mitsgaders de articulen waer naer een yder die eenige somme gelts inteeckent hem sal hebben te reguleren; beneffens een kaerte van 't selfde district', uitgegeven door prof. P. van Goetthem, Middelburg, 1676.
- Het Eerste Deel van het Brandende Veen verlichtende alle de vaste Kust ende Eylanden van geheel West-Indien beginnende van de linie aequinoctiael, ofte rio Amasones, 1675?
| Boarnen, noaten en/as referinsjes: |