Baukje Jongsma

Baukje Jongsma (Ljouwert, 8 desimber 1926 - 20 augustus 2013) wie in Nederlânske atlete, dy't har talein hie op de sprint.

Karriêre

Jongsma waard flak nei de oarloch lid fan atletykferiening Vitesse yn Ljouwert. Op 31 july 1949 waard se mei in team fan har feriening kampioen op de 4 x 100 m estafette yn 51,1 s. De Ljouwerter Krante neamde it ien fan de moaiste haadstikken yn de Fryske Atletykskiednis. It team bestie njonken Jongsma út Imi Miedema, Foekje Dillema en Nellie de Jager. Yn de finale waard ûnder oare Sagitta, it team fan Fanny Blankers-Koen, ferslein. Op de 4 x 200 m ferlear Vitesse krekt fan Sagitta.
Datselde jier ferbettere Vitesse op it gers fan de iisbaan yn Ljouwert it nasjonale rekôr op de 4 x 200 m yn 1.48,3. Nellie de Jager wie ferfongen troch Corry Hospes.
Jongsma rekke ein 1949 yn ferwachting fan har earste dochter en beëinige op dat stuit har sportkarriêre.

Boarnen, noaten en referinsjes

Boarnen, noaten en/as referinsjes:

Heere, A. en Kappenburg, B. (2000) 1870 – 2000, 130 jaar atletiek in Nederland Groenevelt b.v. ISBN 90 90 12867 0