Beach Team Holland

It Beach Team Holland is de namme foar de oanpak dêr't in groep Nederlânske strânfollyballers mei in protte talint harren folslein by ynsette om it heechste yn harren sport berike te kinnen. Dy oanpak wurdt ek wol it Bankrasmodel op it sân neamd.

Marleen van Iersel, foarmet mei Sanne Keizer in topduo

Reindor Nummerdor, foarmet mei Richard Schuil in topduo

It begûn allegear yn 2007, doe't in groep entûsjaste spilers en treners yn gearwurking mei it Nederlânsk Follybal Bûn it idee ûntwikkelen. Al in pear jierren spilje ferskate Nederlânske strânfollyballers op it heechste nivo, mei goede resultaten ta gefolch. Omdat it Nederlânsk bûn de lêste stap nei de profesjonaliteit yn organisaasje en it ûnderstipjen ek graach sette wol, is it Beach Team Holland oprjochte. Yn dy oanpak is der romte foar de bêste manljus, frouljus en talintenduo's fan Nederlân. Alle duo's sitte yn ien topsportprogram, dat yn De Haach plak hat. Trochdat alles byelkoar sit binne der gjin bysaken mear foar spilers en treners en kin der treend en prestearre wurde op topnivo.

Yn de jierren nei it begjin bewiist de oanpak him al. It program foar de jongerein hat laat ta ferskate medaljes op it EK en it WK fan 2008. Ek diene der op de Olympyske Spullen fan 2008 trije duo's mei. Yn 2008 steane der trije manljusduo's yn de top 25 fan de wrâld. Yn 2008, 2009 en 2010 wurdt der troch it duo Reinder Nummerdor/Richard Schuil op it Europeesk kampioenskip goud helle. Ek de froulju prestearje yn de jierren nei de oprjochting goed, der wurde lykwols noch gjin medaljes helle, mar de froulju sitte der wol tichteby.

Seleksje

Topduo's

• Reinder Nummerdor en Richard Schuil
• Emiel Boersma en Joppe Paulides
• Sanne Keizer en Marleen van Iersel
• Marloes Wesselink en Madelein Meppelink
• Sophie van Gestel en Danielle Remmers
• Michelle Stiekema

Talinteduo's

• Alexander Brouwer en Christiaan Varenhorst
• Tim Oude Elferink en Robert Meeuwsen
• Daan Spijkers en Jon Stiekema
• Margo Wiltens
• Rimke Braakman

Begelieding

• Technysk direkteur: Bert Goedkoop
• Treners topduo's: Michiel van der Kuip en Victor Anfiloff
• Treners talinteduo's: Bram Ronnes en Saskia van Hintum

De begelieding fan de duo's bestiet fierder út in medyske stêf.

Boarnen, noaten en referinsjes

Boarnen, noaten en/as referinsjes:

NeVeBo oer it Beach Team Holland It Beach Team Holland op beachvolleybal.tv

Keppeling om utens

• Presentaasje Beach Team Holland 2009 op YouTube