Evaristus wie fan ± 99 oant syn dea yn ± 107 biskop fan Rome. Hy is ek bekend ûnder de namme Aristus en wurdt yn de Roomsk-Katolike Tsjerke en de Eastersk-Otterdokse tsjerken fereare as in hillige. It is hiel goed mooglik dat Jehannes de Apostel ferstoar yn de tiid dat Evaristus de tsjerke liede, wermei't in ein kaam oan it Apostoalyske Tiidrek.

Evaristus
   kristlik lieder
amt en titulatuer
amt paus fan Rome
tsjerke Roomsk-Katolike Tsjerke
bisdom bisdom Rome
sit Hillige Sit
amtsperioade 99-107
foargonger Klemens I
opfolger Aleksander I
persoanlike bysûnderheden
stjerdatum ± 107
stjerplak Rome
hillichferklearring
hjeldei 26 oktober

Neffens it Liber Pontificalis wie Evaristus in Gryk, mar syn heit wie Judah, in joad út Bethlehem. Hy waard keazen de tsjerke te lieden yn de tiid fan it regear fan keizer Trajanus en folge Klementius I as biskop fan Rome op. Evaristus ferdielde Rome yn sân dekanaten.

Neffens Eusebius fan Caesarea ferstoar Evaristus nei in pontifikaat fan acht jier yn it 12e regearingsjier fan keizer Trajanus. Liber Pontificalis beskriuwt him as immen dy't mei it 'martelderskip kroand' wie.

De dei dat Evaristus betocht wurdt is yn de Roomsk-Katolike Tsjerke op 26 oktober. Paus Evaristus is begroeven tichteby it lichem fan Petrus, yn it Petrus-grêf ûnder de Sint Piter fan it Fatikaan.

Boarnen, noaten en referinsjes bewurkje seksje

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Pope Evaristus