Femke Halsema
Femke Halsema (Haarlim, 25 april 1966) is in Nederlânske politika. Yn 1998 kaam hja yn de Twadde Keamer. Fan 2003 oant mids desimber 2010 wie sy polityk lieder en fraksjefoarsitter fan GrienLinks. Sûnt 12 july 2018 is hja boargemaster fan de gemeente Amsterdam.
| Femke Halsema | ||
 politikus
| ||
.jpg)
| ||
| 'Femke Halsema (2018) | ||
| nasjonaliteit |  Nederlânsk
| |
| bertedatum | 25 april 1966 | |
| berteplak | Haarlim | |
| partij | GrienLinks | |
| lid Twadde Keamer | ||
| amtsperioade | 1998 - 2011 | |
| Fraksjefoarsitter GrienLinks | ||
| amtsperioade | 2002 - 2010 | |
| Boargemaster Amsterdam | ||
| amtsperioade | 2018 - | |
| foargonger | Eberhard van der Laan | |
Biografy
bewurkje seksjeNeidat sy Sosjale Wittenskippen studearre hie (spesjalisaasje kriminology), kaam Femke Halsema oan it wurk by de Wiardi Beckman Stifting, it wittenskiplik buro fan de PvdA. Dêrnei wurke sy by in tal oare maatskiplike ynstellings. Sy waard yn 1997 lid fan de programmakommisje fan de PvdA en letter waard sy troch dy partij frege om kandidaat te stean foar de Keamerferkiezings. Mar hja stapte yn 1997 út de PvdA omdat sy it net mear iens wie mei it sosjaal-ekonomyske belied.
Yn 1998 waard sy frege troch de lieder fan Grien Links Paul Rosenmöller om keamerlid te wurden foar dy partij. Sy waard wurdfierder Justysje en Frjemdlingebelied. Yn de tiid fan de opkomst fan de LPF en de moard op Pim Fortuijn (2002) like hiel Nederlân op ‘e kop te stean. Paul Rosenmóller sei dat er der mei stopje woe en hy frege oan Femke oft sy him opfolgje woe. Grien Links gong ûnder har lieding de ferkiezings yn mei de slogan “Knokke foar wat kwetsber is”.
De folgjende jierren wie Femke Halsema de polityk lieder fan Grien Links. Sy rôp op ta gearwurking mei de PvdA en de SP, om in links kabinet mooglik te meitsjen. Tagelyk neamde sy Grien Links de lêste links liberale partij yn Nederlân. De Jongerein fan de VVD keazen har yn jannewaris 2006 ta 'de liberaal fan it jier'.
Op 17 desimber 2010 makke Femke Halsema bekind dat hja opstapte as fraksjefoarsitter en poliyk lieder fan Grien Links en dat hja opfolge waard troch Jolanda Sap. Sûnt sy de deistige polityk ferlitten hat, hat sy in tal bestjoerlike en maatskiplike funksjes, mei namme op it mêd fan duorsumens en ûntwiklingsgearwurking.
Bibliografy
bewurkje seksje- 1995 - Ontspoord. Opstellen over criminaliteit & rechtshandhaving
- 1997 - Land in zicht. een cultuurpolitieke benadering van de Ruimtelijke Ordening (mei Maarten Hajer)
- 2005 - Vrijheid als ideaal (redaksje Bart Snels)
- 2006 - Linkse lente
- 2008 - Geluk! Voorbij de hyperconsumptie, haast en hufterigheid
- 2016 - Pluche (politieke memoires)
Keppelings om utens
bewurkje seksje- Femke Halsema op GroenLinks.nl
- Femke Halsema.nl har eigen weblog
- Biografy op TweedeKamer.nl
- Vraag het Femke, Femke Halsema jout antwurd op al dyn fragen