Finken

Finken binne ynsekten- en sieditende sjongfûgels fan it skaai Fringilla. De belangrykste en bekendste soarten binne de skelfink (Fringilla coelebs) en de kwêkfink (Fringilla montifringilla). Yn rommere sin wurde ûnder "finken" alle fûgels fan de famylje fan de finkfûgels (Fringillidae) begrepen.

Finken
Skelfink
Taksonomy
ryk:	dieren (Animalia)
stamme:	rêchstringdieren (Chordata)
klasse:	fûgels (Aves)
skift:	moskeftigen (Passeriformes)
ûnderskift:	sjongfûgels (Passeri)
boppefamylje:	(Passeroidea)
famylje:	finkfûgels (Fringillidae)
skaai:	finken (Fringilla)
Linnaeus, 1758

Taksonomy

Tradisjoneel bestiet it skaai út trije soarten: de skelfink, de kwêkfink en de blaufink. De lêstneamde, dy't allinne op 'e Kanaryske Eilannen foarkomt, waard yn 2016 op basis fan ûndersyk opsplitst yn 'e Grankanaryske fink en de blaufink fan Teneryf. De stúdzjes toanden ferskillen yn genetika, sang en uterlik oan. In folgjende stúdzje op basis fan molekulêr ûndersyk toande yn 2021 oan dat der grutte ferskillen binne tusken de soarten op 'e ferskillende eilannen. Dêrom folge in nije yndieling fan 'e finken yn acht ferskillende soarten.

De acht soarten binne allegear likernôch like grut (14 oant 18 sm) en ferskille net in soad fan inoar.

Soarten

Mantsje ♂	Wyfke ♀	Fryske namme	Wittenskiplike namme	Ferspriedingsgebiet	Status
		Kanaryske fink	Fringilla canariensis	Kanaryske Eilannen	noch net beöardiele*
		Skelfink	Fringilla coeleb	Europa, West-Aazje, Noard-Afrika	net bedrige
		Madeirafink	Fringilla maderensis	Madeira	noch net beöardiele*
		kwêkfink	Fringilla montifringilla	Europa, Aazje	net bedrige
		Azoarenfink	Fringilla moreletti	Azoaren	noch net beöardiele*
		Grankanaryske blaufink	Fringilla polatzeki	Gran Kanaria	bedrige
		Afrikaanske fink	Fringilla spodiogenys	Noard-Afrika	ûnbekend
		Blaufink	Fringilla teydea	Teneryf	gefoelich

(*) Om 't de IUCN de fûgel noch as in ûndersoarte behannelet is de status noch net beöardiele.

Ofbylden dy't by dit ûnderwerp hearre, binne te finen yn de kategory Finken fan Wikimedia Commons.