Fokker F-11

De Fokker F-11, ek bekend as Fokker B.IV, wie in lúks amfibysk fleantúch dat ein jierren 20 yn de Feriene Steaten as 'loftjacht' produsearre waard. Technysk sjoen wie it tastel de Model 9 fan Fokker Aircraft Corporation of America. De earste flecht wie yn 1928.

Fokker F-11
algemiene ynformaasje
makker	Fokker Aircraft Corporation of America (ek: Atlantic Aircraft Corporation Fokker-America/Atlantic-Fokker)
ûntwerper	Alfred Gassner
gebrûk
earste flecht	1928
tal makke	6

Fokker B.I

It Fokker wetterfleantúch waard ferkocht yn Noard-Amearika as de Fokker F-11 en yn Europa as de Fokker B.IV. Nei 't seis fleantugen produsearre wiene, waard dúdlik dat it ûntwerp net goed ferkeapje soe. In pear waarden ferkocht, wêrûnder twa oan opmerklike multymiljonêrs; Harold Vanderbilt en Garfield Wood kochten der elk ien. Ien waard kocht troch Air Ferries yn San Francisco. De F-11 A waard ferkocht foar 40.000 dollar. Dy priis waard ferlege nei 32.500 dollar as gefolch fan de depresje fan 1929. De F-11 wie in kommersjele mislearring.

Konstruksje

De rompstruktuer bestie út oan elkoar klonken fan duraluminium seksjes fan fakwurkkonstruksje beklaaid mei Alclad-panielen. De earste twa of trije tastellen hiene noch nije rompbeammen dy't de tsjillen fan it haadlâningsgestel oan de úteinen droegen. Foar wetterlâningen koene de giken wat omheech swinkt wurde om it lâningsgestel te stabilisearjen. Dy technyk like lykwols net in sukses te wêzen, om't alle folgjende fleantugen konvinsjonele driuwers yn 'e midden fan beide fleugels hiene.

Spesifikaasjes

Fokker F.11a fan Air Ferries op in wetterfleantúchhelling yn San Francisco

Parameters	Gegevens F-11A	Gegevens F-11AHB
Bemanning	2
Passazjiers	4 bis 5 (max. 8)
Lingte	13,73 m
Spanwiidte	18,00 m
Gewicht leech	2020 kg	2300 kg
Lading	1100 kg	969 kg
Krúsfaasje	152 km/o	157 km/o
Maks. faasje	179 km/o	186 km/o
Lâningsfaasje	80 km/0	88 km/o
Tsjinstplafond	3500 m	3350 m
Fleanberik	640 km
Oandriuwing	1 × Wright R-1750D Cyclone njoggensilinder-stjermotor fan 525 hk, Metalen propeller mei trije blêden, dy't op 'e grûn yn in oare stân set wurde koe	1 × Pratt & Whitney Hornet B fan 575 hk

Literatuer

• E. R. Johnson: American Flying Boats and Amphibious Aircraft, McFarland and Co., 2009, ISBN 978-0-7864-3974-4, s. 129–131
• Bart van der Klaas: Fokker's American Heydays. Yn: AIR Enthusiast No.68, maart–april 1997, s. 2–15
• Joseph P. Juptner: U.S. Civil Aircraft Series. Bân 3, Aero Publishers, 1966, s. 68–70

Keppeling om utens

• (in) http://www.letletlet-warplanes.com/2008/06/04/dutch-flying-boats-and-amphibians/

Boarnen, noaten en referinsjes

Boarnen, noaten en/as referinsjes: