Grand River (rivier yn Michigan)

(Trochwiisd fan Grand River (Michigan))

De Grand River is mei 406 km de langste rivier fan de Amerikaanske steat Michigan. Hy rint troch de plakken Jackson, Eaton Rapids, Lansing, Grand Ledge, Portland, Ionia, Lowell, Grand Rapids en Grand Haven en mûnet út yn de Michiganmar. De Grand River hat in ôfwetteringsgebiet fan 14.431 km².

Rin fan de GrandRiver yn Michigan

De Yndianen dy't oan de rivier wennen, foar de komst fan de Frânsken en Britten, neamden de rivier O-wash-ta-nong, dat betsjut 'Fier-fuort-wetter', út reden fan syn langte.

SydrivierenBewurkje

De grutste sydrivieren fan de Grand River binne de Red Cedar River, Looking Glass River, Maple River, Flat River, Thornapple River en de Rogue River.