Herefordshireskoalle
De Herefordshireskoalle is de namme dy't de Poalsk-Ingelske keunsthistoarikus George Zarnecki joech oan in ûnderstelde aparte groep fan master-stienhouwers dy't yn de 12e iuw yn de kriten fan it Herefordshire en Worcestershire fan no (in Ingelân) arbeiden. Harren ûnderskiedende Romaneske sânstien- en kalkstienskulptueren wurde fûn by ferskate parish-tsjerken yn dy kontreien, fral yn Kilpeck, mar ek yn Eardisley, Shobdon en Castle Frome yn Herefordshire en Rock (Worcestershire). Totaal binne goed 20 tsjerken dekorearre mei skulptueren yn de styl fan de Herefordshireskoalle.
It wurk, religieuze en mystike ôfbylden, hat in ferskaad oan kultuerele boarnen; Normandyske militêre figueren, Saksyske bisten en Keltyske abstrakte patroanen wurde dêryn byelkoar brocht. Hoewol't it meast om religieuze foarstellings giet, kin it wurk fan de Herefordshireskoalle ek boartlik wêze en út en troch sels de ûntuchtige kant útskaaie.
Yn de literatuer wurde twa byldhouwers fan de skoalle by namme neamd: Chief Master en Aston Master. Beide hawwe in dúdlike eigen styl.
Byldhouwurk oan de tsjerke fan Kilpeck
bewurkje seksje-
Súddoar -
Detail: slangen en draken dy't yn harren sturt bite -
De "griene man" op it kapiteel fan in pylder east fan de súddoar -
Sheela-na-Gig oan de St Mary en St David-tsjerke
Literatuer
bewurkje seksje- Zarnecki, George, English Romanesque Sculpture, 1066-1140, 1151
- Zarnecki, George, Later English Romanesque Sculpture, 1140-1210, 1953
- Malcolm Thurlb, The Herefordshire School of Romanesque Sculpture , 1999