Ishøj (gemeente)

Ishøj is in foarstêdgemeente fan Kopenhagen yn de regio Haadstêd (Deensk: Region Hovedstaden) yn Denemark.

Ishøj
flagge	wapen
lokaasje
polityk
lân	Denemark
regio	Haadstêd
boargemaster	Ole Bjørstorp
sifers en geografy
haadplak	Ishøj
grutste plak	Ishøj
ynwennertal	22.988 (2018)
oerflak	26,15 km²
skiednis
oprjochte	1842
oar
tiidsône	UTC +1
simmertiid	UTC +2
webside	www.ishoj.dk

De gemeente bestiet sûnt it begjin fan de gemeentlike yndieling yn 1842. Oan it begjin hie de gemeente de namme fan de twa parochy's Torslunde en Ishøj. De gemeentenamme Torslunde-Ishøj bleau oant 1975 bestean, fiif jier nei de gemeentlike weryndieling fan 1970. Foar dy weryndieling hearde de gemeente ta it bestjoersdistrikt Smørum Herred yn de provinsje Kopenhagen. Der hawwe in tal lytse grinskorreksjes west mei oanbuorjende gemeentes, benammen mei de gemeente Høje-Tåstrup yn de jierren 1960.

By de gemeentlike weryndieling fan 2007 wie de gemeente Ishøj te lyts, mar troch in gearwurkingsferbân mei de gemeente Vallensbæk koe de gemeente Ishøj selsstannich bliuwe. Neffens dy oerienkomst wurde guon gemeentlike taken troch Vallensbæk útfierd en oare taken troch gemeente Ishøj.

Haadstêd fan de gemeente is de stêd Ishøj. In grut part fan de befolking yn Ishøj bestiet út bewenners fan net-Westerske komôf. In grut part (likernôch 17%) is fan Turkske komôf. Dat ferklearret it grutte tal bynammen fan de stêd lykas Istanhøj

Fan de 22.988 (01.01.2018) ynwenners fan de gemeente wenje der mar 2.120 ynwenners bûten de sletten bebouwing.

Yn de gemeente stiet it Arken Museum for Moderne Kunst, dat op 20 maart 1996 troch keninginne Margrethe II iepene waard.

Plakken

Nr.	Tsjerklike yndieling	Ynwennertal	Plak	Ynwennertal
1	Ishøj (parochy)	22.174	Ishøj Ishøj Landsby	20.868 1.190
2	Torslunde (parochy)	813	Torslunde	320

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Ishøj Kommune fan Wikimedia Commons.