Haadmenu iepenje

Jacobus W. Zantema (Dearsum, 3 maart 1918- Ljouwert, 1 desimber 2008) wie de redakteur fan it Frysk wurdboek fan Zantema. Hy skreau ek de Fryske bernebibel ‘Bliid boadskip’ (1965), mei 43 bibelferhalen. It earste eksimplaar fan dit troch de KFFB útjûne boek is yn septimber 1965 oanbean oan Keninginne Juliana op Paleis Soestdijk.

Zantema wie skoalmaster yn Jelsum-Koarnjum, dêr’t er jierrenlang wenne hat. Hy wie frijwilliger by de Fryske Akademy dêr't er meiwurke oan de tarieding fan it Fryske wurdboek. Fan ein 1977 oant maart 1981 wie er offisjeel yn tsjinst as redakteur fan it wurdboek dat yn 1984 útkaam. Zantema waard njoggentich jier en stoar yn syn wenplak Ljouwert.