Jan van Steenbergen
Johannes Hendrik "Jan" van Steenbergen (Hoarn (Noard-Hollân), 3 juny 1970) is in Nederlânsk taalkundige, sjoernalist en tolk/oersetter. Hy is de auteur fan ferskate keunsttalen, by namme Ynterslavysk en Wenedyk.[1]
.jpg)
Van Steenbergen wennet yn IJmuiden. Hy is troud en hat trije bern.[2]
Oplieding
bewurkje seksjeVan Steenbergen trochrûn it Murmelliusgymnasium yn Alkmaar en studearre fanôf 1988 East-Jeropeeske talen oan de Universiteit fan Amsterdam, mei as haadfak Slavyske talen en -kultueren. Dêrnjonken studearre hy musikology. Hy ferfolge syn oplieding oan de Universiteit fan Warsjau en wurke dêr ek mei oan in muzykfestival.
Keunsttalen
bewurkje seksjeYn 1996 begûn er te wurkjen oan in fiktive Noardslavyske taal, Vuozgašchai. Yn 2002 kreëarre er in oare keunsttaal, Wenedyk. Dy lêste is in rekonstruksje fan hoe it Poalsk west kinnen hie as it troch fulgêr Latyn beynfloede west hawwe soe. Yn 2006 wie Van Steenbergen ien fan de inisjatyfnimmers fan de Pan-Slavyske taal Ynterslavysk. Teffens wie hy koördinator fan in projekt foar it meitsjen fan in elektroanysk Ynterslavysk wurdboek.[4][5]
Yn novimber 2013, ûntfong er de Josef Dobrovský-medalje foar syn bydragen oan de Slavyske kultuer en wittenskip,[6] neamd nei de grûnlizzer fan de Tsjechyske skriuwtaal.
Keppeling om utens
bewurkje seksje- Offisjeel webstee
- Towards a Unified Slavic Language — Lêzing yn Grins, by de fjirde Konferinsje oer it skeppen fan in taal, 2011]
| Boarnen, noaten en/as referinsjes: |
|