Java (eilân)

Java is in eilân yn de Republyk Yndoneezje. It eilân is 132.000 km² grut en hat mear as 114 miljoen ynwenners. Dêrmei is it meast tichtbefolke eilân fan Yndoneezje mei trochstrings 864 minsken de fjouwerkante kilometer.

De haadstêd en tagelyk residinsje fan it lân, Jakarta, leit oan de noard-westkust fan Java. Jakarta mei de foarstêden wurdt meastentiids de Jabotabek neamd, in gearfoeging fan Jakarta - Bogor - Tangerang - Bekasi. Yn dy stêdekloft wenje ûngefear 20 miljoen minsken. De stêd Jakarta sels hat in ynwennertal fan 10 miljoen.

Geografy

Java is part fan de 6000 kilometer lange Soendabôge, in eilânrige dy't fan de Andamanen ôf oant de Molukken rint.

Sumatra leit noardwestlike fan it eilân, en Baly leit eastlik dêrfan. Yn it noard-noardeasten leit Borneo, noardeastlik Selebes. Yn it suden lizze Krysteilân en de Kokoseilannen dy't by Austraalje hearre. Oan de noardkant fan Java leit de Javasee, oan de súdkant de Yndyske Oseaan.

Bestjoerlike yndieling

Java bestiet út fjouwer provinsjes:

Bantam
West-Java (Jawa Barat)
Midden-Java (Jawa Tengah)
East-Java (Jawa Timur)

Fierders is er in spesjaal gebiet; Jogjakarta (dat de status fan provinsje hat) en in spesjaal haadsteedlik gebiet; Jakarta, dat allyksa de status fan provinsje hat. Der bestean plannen foar de oprjochting fan noch twa nije provinsjes; Sirebon en Surakarta.

Talen

Taalkundige kaart fan Java

Op Java wurde in oantal talen sprutsen, Javaansk, Maleisysk, Soendaneesk, Madoereesk en Balysk (sjoch kaart), troch respektivelik Javanen, Orang Betawy, Soendanezen, Madoerezen en Balinezen.

Nijsgjirrich op Java

Baluran National Park
Borobûdûr, timpel
Prambanan timpel
Bromo, fulkaan
Dieng plato, mei fiif timpels
Krakatau, fulkaaneilân