Jehannes de Dopertsjerke (Jaroslavl)

De Tsjerke fan Sint-Jehannes de Doper yn Toltsjkovo (Russysk: Церковь Иоанна Предтечи в Толчкове) is in otterdokse tsjerke yn Jaroslavl, Ruslân.

Jehannes de Dopertsjerke Ивановская церковь
Lokaasje
lân	Ruslân
oblast	Jaroslavl
plak	Jaroslavl
koördinaten	57° 36' N 39° 51' E
Arsjitektuer
boujier	1671-1687
monumintale status	Federaal monumint
monumintnûmer	761510257020006
Kaart

De Jehannes de Dopertsjerke is ien fan 'e meast bekende monuminten dy't de saneamde Jaroslavl-arsjitektuer fertsjintwurdiget. De tsjerke waard tusken 1671 en 1687 boud yn Toltsjkovo, in delsetting op 'e rjochterkant fan 'e Kotorosl. In 45 meter hege klokketoer waard letter, yn 1690, tafoege.

It ynterieur is folslein beskildere mei bibelske foarstellings en mei hilligen en tafrelen út Russyske leginden. De fresko's binne yn 'e jierren 1694-1695 ûnder lieding fan 'e keunstners Dimitri Plechanov en Fjodr Ignatjev oanbrocht.

De tsjerke waard ûnder it Sovjet-rezjym sletten foar de earetsjinst yn 1931. Hjoed-de-dei is it in museum en simmerdeis is it iepen foar toeristen.

Ofbylden

• 
  Ynterieur.
• 
  Muorredekoraasje.

• 
  Detail eastlike gevel.
• 
  Tagong.

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Церковь Иоанна Предтечи в Толчкове Commons Wikimedia Commons  Ofbylden dy't by dit ûnderwerp hearre, binne te finen yn de kategory Jehannes de Dopertsjerke, Jaroslavl fan Wikimedia Commons.