Judith Bosch
Judith Bosch (Leiden, 23 july 1944) is in eardere Nederlânske presintatrise.
| Judith Bosch | ||
 tillefyzje- en/of radiopersoanlikheid
| ||
| ||
| Judith Bosch yn 1984 | ||
| persoanlike bysûnderheden | ||
| nasjonaliteit |  Nederlânsk
| |
| berne | 23 july 1944 | |
| berteplak | Leien | |
| wurkpaad | ||
| wurksum as | presintator | |
| offisjele webside | ||
| IMDb-profyl | ||
Karriêre
bewurkje seksjeNei har stúdzje waard se yn in studintekabaret ûntdutsen troch Paul van Vliet, dy't har ien jier yn syn Pepijn-kabaret opnaam. Bosch har earste telefyzjeoptreden wie op 22 oktober 1965 yn Fanclub, in tinerpopprogramma. Tegearre mei Astrid Engels ynterviewde se ûnder oaren Adamo, Cliff Richard, Eric Clapton en Jimi Hendrix. Yn 1967 hold se op mei it programma en waard se opfolge troch Sonja Barend. It programma krige doe de namme Fenklup.
Fan 24 oktober 1972 ôf presintearre se tegearre mei Dick Passchier hast 150 útstjoeringen fan de middelbere-skoalbernekwis Tweekamp. Oare programma's dêr't hja oan meiwurke wiene ûnder mear Zeskamp, Spel zonder grenzen en Stedenspel. Yn de jierren 1966 – 1970 wie se ek op de radio te hearren mei Kees van Maasdam mei it radioprogramma 33/45, in simmerprogramma dat hieltyd fan in oare lokaasje yn Nederlân ôf útstjoerd waard.
Yn de 21e iuw is Bosch net faak mear op telefyzje te sjen en jout se allinnich noch persoanlike mediatrainingen. Se is aktyf as frijwilliger om har kennis oer te dragen oan telefyzjemakkers yn oare lannen dêr't ferlet is fan ekspertize. Yn 2012 waard se útstjoerd nei Armenië dêr't se in telefyzjestasjon advisearre.
 |
Ofbylden dy't by dit ûnderwerp hearre, binne te finen yn de kategory Judith Bosch fan Wikimedia Commons. |