KOffice

KOffice

KWord skermprint

Untwikkelder	It KOffice Team
Meast resinte ferzje	1.6.3/ 6 july, 2007^[1]
Lêste bêtaferzje	2.0 alpha 9/ 16 july 2008^[2]
Platfoarm	Multyplatfoarm (Linux, BSD, Solaris, Windows, Mac OS X)
Kategory	Office suite
Lisinsje	GPL, LGPL, BSD license and others
Webstee	http://koffice.org

KOffice is it officepakket foar 'K Desktop Environment KDE en falt ûnder de nûmer fan frije sêftguod. De lêste ferzje fan KOffice is 1.6.3, dy't op 7 juny, 2007 it ljocht seach. KOffice wurdt apart fan KDE útbrocht en kin ynladen wurde fanôf it thúsblêd fan KOffice. Koffice brûkt as it mooglik is it triemformaat OpenDocument as standert yn de applikaasjes.

KOffice komponinten

KOffice komt mei de folgjende komponinten:

	KWord	In tekstbewurker mei ramt en stylblêd stipe foar DTP-styl bewurkings fan ingewikkelde opmaak.
	KSpread	In rekkenblêd applikaasje mei stipe foar meardere rekkenblêden, sjabloanen en mear as 100 wiskundige formules.
	KPresenter	In presintaasje programma mei ôfbylding en effekt stipe.
	Kivio	In te programmearjen stroomdiagramprogramma
	Karbon14	In Fektortekenprogramma mei ferskate teken en bewurkhelpmiddels.
	Krita	(Dit wie earst bekend as Krayon en KImageshop). In teken- en byldbewurkprogramma.
	Kugar en KChart	In yntegrearre programma om rapporten op te meitsjen en in grafiekprogramma.
	KFormula	In programma om formules mei te meitsjen.
	Kexi	In yntegrearre databank programma. It hat beheinde komptabiliteit mei it MS Access triemformaat.
	KPlato	In projektmanagement programma.

In filterset makket it mooglik om nei ferskate triemformaten te skriuwen en te lêzen.

OpenDocument

Sûnt ferzje 1.5 brûke de wichtichste komponinten, krekt lykas OpenOffice.org 2.0 en heger, it OpenDocument-formaat.

KOffice 2.0

Op it stuit is de Koffice ferzje 1.6.x ûntwikkele foar de Unix omjouwing, mar mei ferzje 2.0 komt dêr feroaring yn. Op 19 maaie 2008 binne der ek al de earste tekens fan sjoen mei in alfa ferzje dy't ek op de Windows omjouwing te ynstallearjen wie ^[3]. Neist it brûkber meitsjen foar oare platfoarmen is it 'flake'-konsept in opfallende fernijing.

Flake^[4] is de objekt bibleteek foar Koffice. De basis is dat der fan útgong wurdt dat de saneamde “shapes”, dy alderhande figueren oannimme kin, ferskillende saken lykas media, tekeningen of tabellen yn in dokumint yntegrearje kinne. En omdat de figueren fan elkoar witte dat se besteane kin der bygelyks tekst om in fideofiguer setten wurde. Flake objekten kinne grafysk ferpleatst, rotearre, skale en skean lutsen wurde.

Sjoch ek

Keppelings op utens

(in) http://www.koffice.org Webstee fan KOffice]
(in) KOffice 2.0 fisy en doelstelling

Boarnen, noaten en referinsjes

Boarnen, noaten en/as referinsjes:

[1] (in) It KOffice Projekt - KOffice 1.6.3 útjefte meidieling

[2] (in) It KOffice Projekt - KOffice 2.0 alfa 9 útjefte meidieling

[3] (in) Earste alfa útjefte foar windows

[4] (in) Ynformaasje oer Flake

[1]

[2]

[3]

[4]