Castries
Castries is de haadstêd fan de eilânsteat Sint Lusia.
| Castries | ||
| ||
| Bestjoer | ||
| Lân | Sint Lusia | |
| Sifers | ||
| Ynwennertal | ± 70.000 (2013) | |
| Oerflak | 79 km² | |
| Befolkingsticht. | 890 / km² | |
| Hichte | 2 m | |
| Oar | ||
| Stifting | 1650 as "Carenage" 1756 nije namme "Castries" | |
| Tiidsône | East Karibyske Tiidsône (ECT) (UTC-4) | |
| Koördinaten | ||
Castries leit yn it fierste part fan in smelle ynholte en is feitlik boud op nij lân. De stêd is sit fan it regear en dêr binne ferskate kantoaren fan pleatslike en bûtenlânske bedriuwen. It strjittepatroan is opset as in roaster (liket op dat fan New York). It plak hat in beskerme lizzende haven dy't sawol troch frachtskippen, fearboaten as cruiseskippen oandien wurdt. Dêr binne belestingfrije winkels sa as Point Seraphine en La Place Carinage, in protte restaurants dy't in grut ferskaat oan menús oanbiede (fan pleatslik oant Sineesk iten), supermerken en noch in soad oare winkelfasiliteiten.
It iepenbier ferfier is dêr goed regele mei bussen. Tusken Castries en Fort-de-France op Martinyk wurdt in feartsjinst ûnderhâlden.
Toeristen komme nei Sint Lusia om belestingfrij te winkeljen en foar de moaie strannen, dêr't ferskate fan yn en by Castries te finen binne.
Skiednis
bewurkje seksjeDe stêd waard stifte yn 1650 troch de Frânsen as Carenage ('feilich ankerplak') en yn 1756 neamd nei Charles Eugène Gabriel de la Croix, Marquis de Castries. Fan 1803 oant 1844 waard de stêd in Britske marinehaven fan belang en waarden der fortifikaasjes boud op Morne Fortune, de berch dy't de haven oersjocht. Tsjin 1844 hie Castries in ynwennertal fan 4000. Ein 19e iuw wie it in wichtige bunkerhaven, omdat it de iennige haven yn it Karibysk gebiet wie dy't goed tarist wie foar skippen fan de Britske Royal Navy.
Yn Castries sit ek it sekretariaat fan de Organisaasje fan East-Karibyske Steaten.
Berne yn Castries
bewurkje seksje- Nobelpriiswinner Derek Walcott (1930-2017), dichter, skriuwer en winner fan 'e Nobelpriis foar de Literatuer.
Keppeling om utens
bewurkje seksje- Interactive tour of St. Lucia's History and Culture- Offisjele side fan VVV St. Lusia
 |
Ofbylden dy't by dit ûnderwerp hearre, binne te finen yn de kategory Castries fan Wikimedia Commons. |