Klemenstsjerke (Moskou)

De Tsjerke fan de Hillige Martler Klemens, Paus fan Rome (Russysk: Храм священномученика Климента, Папы Римского) is in barokke tsjerke yn Moskou, Ruslân. De otterdokske tsjerke falt ûnder it Moskovoretsky dekanaat fan it bisdom Moskou en waard ferneamd nei paus Klemens I. It is de grutste tsjerke fan it distrikt Zamoskvoretsje.

Sint-Klemenstsjerke Климентовская церковь
Lokaasje
lân	Ruslân
plak	Moskou
koördinaten	55° 44' N 37° 37' E
Tsjerklike gegevens
eparchy	Moskou
patroanhillige	Sint-Joaris
Arsjitektuer
arsjitekt	Pietro Antonio Trezzini (taskreaun)
boujier	1762-1769
boustyl	barok
monumintale status	Kultureel monumint fan federaal belang
monumintnûmer	7710678000
Webside
www.klement.ru
Kaart

Om't it belangrykste alter wijd waard oan 'e transfiguraasje fan de Hear stiet de tsjerke ek bekend ûnder de namme Transfiguraasjetsjerke (Преображенская церковь).

Skiednis

Yn skriftlike boarnen wurdt de tsjerke foar it earst yn 1612 neamd. Dat wie doe noch in houten tsjerke. De earste stiennen tsjerke op it plak datearre fan 1657. De tsjerke waard op 'e nij boud yn 1720 en yn de jierren 1756-1768 waard der in refektoarium en klokketoer tafoege. De tastimming om de âlde tsjerke ôf te brekken en oant 1769 te ferfangen troch de hjoeddeiske, mei fiif koepels bekroande, barokke tsjerke folge yn 1762.

De Klemenstsjerke yn 1881 (N.A. Naidenov

De Klemenstsjerke hie te lijen fan de brân fan Moskou yn 1812. De skea oan 'e Klemenstsjerke bleau lykwols beheind ta it eksterieur, mar om't de parochy sa earm wie, waard de tsjerke troch it bisdom op de list fan de fjirtjin tsjerken set, dy't de measte help nedich hie , sadat yn in jier tiid de skea wer ferholpen wie.

De Klemenstsjerke yn de Sovjet-tiid

Yn de Sovjet-tiid bleau de Klemenstsjerke oant 1929 foar de earetsjinst iepen. Dêrnei waard it gebou oan 'e Lenin-bibleteek jûn om materjaal op te slaan.

Weromjefte en restauraasje

Yn 2008 waard de tsjerke, wêrfan't it eksterieur goed bewarre bleau wie en it ynterieur ek ta in sekere hichte, oerdroegen oan de otterdokske mienskip. Mei finansjele help fan 'e Moskouse oerheid waard in restauraasje oan 'e fertutearzge tsjerke útfierd. Foar de tsjerketsjinsten waard ynearsten it noardlike skip brûkt.

Op 27 septimber 2014 fûn de rite fan de grutte konsekraasje fan de restaurearre tsjerke troch patriarch Kirill plak.

Ofbylden

• 
  Tsjerke, refter en toer
• 
  Muorredekoraasje
• 
  Ynterieur refter

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Церковь Климента Папы Римского Commons Wikimedia Commons  Ofbylden dy't by dit ûnderwerp hearre, binne te finen yn de kategory Klemenstsjerke, Moskou fan Wikimedia Commons.