Kornet (ynstrumint)

Mei kornet wurdt in oan de trompet besibbe koperblaasynstrumint bedoeld.

Cornet (út Webster's 1911 encyclopedy)

Yn ferliking mei de trompet is de kornet wat lichter te bespyjen troch syn widere mensuer. De toan fan de kornet is dêrtroch ek wat minder skel as dy fan de trompet. De kornet liket in soad op de trompet. It ynstrumint hat lykwols in oare skiednis: it stamt ôf fan de posthoarn. It ferskil sit him der benammen yn dat de kornet koanysker boud is: de diameter fan de buis is fan it mûlestik ôf smeller en hat dêrtroch in grutter ferrin. Ek is de kornet kompakter fan foarm, mei rommere bochten as de trompet. De kornet stiet meast yn Bes stimd, mar yn âlder repertoire komt de kornet ek yn A foar. Yn in brassband is der fierder rnoch de útfiering as Es-kornet (ek wol sopraan- of soprano-kornet neamd). Op dit ynstrumint koene solisten technysk tige drege stikken útfiere en it waard troch de tiid hinne in echt sjo-ynstrumint. Mei de iuwwiksel kaam jazz as muzykstreaming op en de kornet krige dêr dalik in wichtich plak. Yn de tweintichste iuw moast it ynstrumint mear en mear plak romje foar de trompet. Yn in brassband hat de kornet in wichtich plak. Dy orkestfoarm, û.o. wer te kennen oan in krekte besetting, hat tsien kornetten (9 yn Bes en 1 yn Es) op in folsleine besetting fan 25 koperblazers.