Ljochtmisbrea

Ljochtmisbrea is brea dat op Marije Ljochtmis útdield wurdt oan de earmen.

Yn Burgum waard neffens Tsjibbe Gearts van der Meulen (1887) op 2 febrewaris Marije Ljochtmis de opbringst fan in bepaald persiel kaphout ûnder de doarpsearmen ferdield yn de foarm fan in stik roggebrea. De jefte waard letter ferfongen troch jild. Om 1950 hinne bruts de bewenner fan de betreffende pleats Noardermar mei de tradysje.