Ontmoetingskerk (Sappemeer)

De Ontmoetingskerk is in ier 20-iuwsk tsjerkegebou oan 'e Noorderstraat yn it Grinslânske Sappemeer.

Ontmoetingskerk
Lokaasje
provinsje	Grinslân
gemeente	Midden-Grinslân
plak	Sappemeer
adres	Noarderstrjitte
koördinaten	53° 09' N 6° 46' E
Tsjerklike gegevens
tsjerkegenoatskip	PKN
Arsjitektuer
boujier	1910
monumintale status	gemeentlik monumint
monumintnûmer	0018/41
Webside
PKN Hoogezand-Sappemeer
Kaart

Skiednis

Nei de ofskieding waard yn 1835 yn Sappemeer troch 23 minsken in tsjerke stifte ûnder de namme 'Kristlik Ofskieden Grifformearde gemeente' (sûnt 1892: Grifformearde tsjerke). Oant yn 'e jierren 1840 holden hja temûk harren hûstsjinsten. Neffens it reglemint foar de Herfoarme tsjerke wiene der nammentlik gjin oare tsjerketsjinsten yn 'e gemeente tastien.

Yn 1843 krige de ôfskieden gemeente de tastimming om gear te kommen. Hja krigen yn 1850 in earste dûmny en de fermanje oan 'e Borgercompagniesterstraat waard fan 'e minnisten oernommen om dêr tsjinsten te fieren.

Tsjin 'e ein fan 'e 19e iuw wie it gebou te lyts woarn foar de waaksjende gemeente. Der waard in nije tsjerke boud oan 'e Noorderstraat, dy't yn 1910 iepene waard. Letter krige de tsjerke de namme 'Ontmoetingskerk'.

Beskriuwing

De tagong fan de fan reade bakstien boude tsjerke is fersierd mei in rûnbôgich raam mei glês-yn-lead. Dêrboppe de jiertallen fan 'e stifting fan 'e gemeente (1935) en de foltôging fan it tsjerkegebou (1910) en de tekst Bewaar uwen voet als gij ten huize gods ingaat (Preker 4:17a). De tsjerke is in gemeentlik monumint.

Oargel

It oargel yn 'e tsjerke waard yn 1917 troch de firma Standaart boud en op 29 juny 1917 yn gebrûk nommen. Standaart boude it oargel as in pneumatysk ynstrumint mei ien manuaal, tsien registers en oanhongen pedaal. Yn 2011 restaurearre de firma Van Putten it oargel, dat sûnt de bou gjin feroarings ûndergyng.

Keppeling om utens

• Kerk en Orgel: disposysje

Boarnen, noaten en referinsjes

Boarnen, noaten en/as referinsjes:

PKN Hoogezand-Sappemeer,PDF 100 jaar Ontmoetingskerk, oproppen 12.04.2021 Commons Wikimedia Commons  Ofbylden dy't by dit ûnderwerp hearre, binne te finen yn de kategory Ontmoetingskerk, Sappemeer fan Wikimedia Commons.