Panagia Chryseleousa (Lysos)

De Panagia Chryseleousa (Gryksk: Παναγία Χρυσελεούσα) is in tsjerkegebou fan 'e Tsjerke fan Syprus yn Lysos, yn it distrikt (Pafos) op Syprus.

Panagia Chryseleousa Παναγία Χρυσελεούσα
Lokaasje
lân	Syprus
distrikt	Pafos
plak	Lysos
koördinaten	34° 59 N, 32° 30 'E
Arsjitektuer
boujier	15e iuw
Kaart

Skiednis en beskriuwing

De Panagia Chryseleousa waard yn 'e ein fan 'e 15e iuw yn 'e tiid fan it krúsfardersbewâld fan it Frankyske Hûs Lusignan yn 'e Byzantynske styl boud, mar mei goatyske arsjitektoanyske eleminten. Nei alle gedachten tsjinne de tsjerke yn 't earstoan allinnich foar de Frankyske hearen fan 'e Romeinske ritus.

Wapens.

Oars as de âldere Byzantynske arsjitektuer fan Syprus wurdt de ienskippige koepeltsjerke net mei in mei in healrûne apsis ôfsletten, mar mei in trijesidich koar, dat yn it easten in goatysk finster mei tichtmitsele maaswurk hat. De Frankyske kleastertsjerke Panagia Stazousa yn it easten fan it eilân hat in soartgelikense koar.

Boppe de súdlike en noardlike portalen fan 'e Panagia Chryseleousa binne Frankyske wapens fan 'e famyljes Gourry en Neville oanbrocht. Oan 'e noardlike kant is ek in goatysk maaswurkfries te sjen, in ûnderdiel dat mooglik net oarspronklik by de tsjerke heart.

Oan it begjin fan de 20e iuw waard de westlike muorre fan 'e tsjerke ôfbrutsen om de tsjerke út te wreidzjen.

Boarnen, noaten en referinsjes

Boarnen, noaten en/as referinsjes:

Sjoch foar boarnen en/of referinsjes op de:Panagia Chryseleousa (Lysos) Commons Wikimedia Commons  Ofbylden dy't by dit ûnderwerp hearre, binne te finen yn de kategory Panagia Chryseleousa fan Wikimedia Commons.