Pisjen

Pisjen, wetterjen, urinearjen of, minder fatsoenlik, migen, is it lossen fan urine fia de pisbuis (urethra).

Pis is in floeistof dy't by sûchdieren, sa as de minske troch de nieren produsearre wurdt. De urine wurdt yn de urineblaas opslein en dêrnei periodyk lost.

Taal

Der binne in soad wizen om yn selskip te sizzen dat men pisje moat:

nedich moatte
De geit/it skiep ferstekke,
mei jins sweager fûstkje
de ierappels ôfdreagje
it tinste der even ôfrinne litte
yn it waar sjen
in wetterlossing meitsje

en foar froulju:

myn jûpe útknipe
it ûnderstel útlekke litte
blinder myn miicheamelder wurket my op ‘e simmels
myn goatte begjint te lekken!

Wikimedia Commons

Ofbylden dy't by dit ûnderwerp hearre, binne te finen yn de kategory Pisje fan Wikimedia Commons.