Sibolga

Sibolga, âlde stavering Siboga, is in stedsgemeente op it eilân Sumatra yn Yndoneezje. It plak leit oan de westkust, oan de Yndyske Oseaan, yn de provinsje Noard-Sumatra (Sumatra Utara) sa'n 209 km besuden de provinsjehaadstêd Medan.

Sibolga
Plak fan de stedsgemeente op Sumatra
Bestjoer
Lân	Yndoneezje
Provinsje	Noard-Sumatra
Stedsgemeente	Sibolga
Sifers
Ynwennertal	84.444 (2010)
Oerflak	13,5 km²
Befolkingsticht.	7800 /km²
Hichte	1-150 m
Oar
Tiidsône	WIB UTC+7
Offisjele webside
www.sibolgakota.go.id

De pasar yn Sibolga

De stêd kaam ta bloei yn de jierren tritich fan de 20e iuw fanwege de fraach nei rubber en wijreek dy't ynlânsk produsearre wurde. Ek oare tropyske produkten wurde út Sibolga wei útfierd.

Troch in aktive missy-polityk yn de 20e iuw binne dêr katolike tsjerken en skoallen en is in heech persintaazje fan de befolking Roomsk-Katolyk. Sibolga is sadwaande ek in bisdom mei in biskop.

Ferbinings

• Sibolga hat in haven, oan in natuerlike baai, en der is in feartsjinst mei ûnder oaren de eilannen Nias en Simeulue.
• It plak leit oan de Trans-Sumatradyk.
• It fleanfjild fan Sibolga hjit "Dr Ferdinand Lumban Tobing" (koade WIMS).

• 
  De "Heerenweg" yn Siboga, om 1917
• 
  Javanewenten op de rubberplantaazje "Malonboe Estate", part fan de Siboga Caoutchouc Plantage Maatschappij, 1919
• 
  Fiskersboat yn Sibolga, 2003

Berne yn Sibolga

• Augusta de Wit (1864-1939) romanskriuwster

Keppelings om utens

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Sibolga fan Wikimedia Commons.

• Ynformaasje oer Sibolga (Yndonesysk)