Tigris
De Tigris (Arabysk: دجلة, Didjla, Armeensk: Տիգրիս Tigris, Turksk: Dicle) is in rivier yn it Midden-Easten, ien fan de twa grutte rivieren fan it eartiidske twastreamelân Mesopotaamje. De rivier is 1900 kilometer lang en streamt fanút de bergen fan East-Turkije (Koerdistan), lâns de Iraakske stêden Mosûl, Tikrit, Samarra en Bagdad nei it súdeasten. By Korna, sa om-ende-by 150 kilometer foar de útrin, komt de Tigris tegearre mei de Eufraat en streamt as de Sjatt al-Arab troch in grutte sompe nei de Perzyske Golf.
![](http://upload.wikimedia.org/wikipedia/commons/thumb/0/06/Tigr-euph.png/220px-Tigr-euph.png)
![](http://upload.wikimedia.org/wikipedia/commons/thumb/c/ca/Tigris_river_Mosul.jpg/300px-Tigris_river_Mosul.jpg)
It lân tusken de Eufraat en de Tigris is tige fruchtber en stie oan de widze fan ferskate âlde beskavings lykas dy fan de Sumearjers, de Babyloanjers en de Assyrjers.