Timpel fan Garni

De Timpel fan Garni (Armeensk:Գառնիի տաճար) is in timpel yn Garni, likernôch 30 km east fan 'e Armeenske stêd Jerevan. De timpel datearret fan foar it kerstenjen fan Armeenje en is goed bewarre en foar in part renovearre. Der wurdt sein dat de timpel it meast eastlike monumint fan 'e Gryksk-Romeinske wrâld is en de iennige foar it measte part bewarre Hellenistyske timpel út de Romeinske tiid fan 'e eardere Sovjet-Uny.

Timpel fan Garni
bouwurk
Timpel fan Garni.
lokaasje
lân	Armeenje
plak	Garni
koördinaten	40°6'N 44°43'E
bysûnderheden
type bouwurk	timpel/tombe
boujier	1e-2e iuw
sloopjier	1679
kaart

De yn 'e ioanyske oarder boude timpel waard as heidenske timpel ûnder kening Tiridates I yn 'e 1e iuw boud. De timpel tsjinne om dêr de god Mihr te ferearjen. Der binne ek guon dy't tinke dat de timpel yn 'e 2e iuw as tombe boud waard.

It rekonstruearre plafond.

Yn 1679 stoarte de timpel by in ierdskodding yn, mar de measte fragminten bleaune op 'e lokaasje. Yn 'e 19e iuw groeide de belangstelling foar de ruïne en oan it begjin fan en healwei de 20e iuw fûnen der opgravings plak.

Tusken 1969 en 1975 waard de timpel wer rekonstruearre en hjoed-de-dei is it ien fan 'e belangrykste toeristyske attraksjes fan Armeenje.

Ofbylden

• 
  Plattegrûn.
• 
  De ruïne yn 1947.
• 
  Rekonstruksje yn 1974

Boarnen, noaten en referinsjes

Boarnen, noaten en/as referinsjes:

Dizze side is in oersetting fan 'e ynlieding fan 'e Ingelsktalige Wikipedyside; sjoch foar de bewurkingsskiednis: en:Garni Temple (ferzje 31 oktober 2024). Commons Wikimedia Commons  Ofbylden dy't by dit ûnderwerp hearre, binne te finen yn de kategory Garni Temple fan Wikimedia Commons.