Tsjerke fan Jehannes Krysostomos (Jaroslavl)
De Tsjerke fan de Hillige Jehannes Krysostomos (Russysk:) Церковь Иоанна Златоуста; Tserkov Ioanna Zlatousta) is in tsjerke fan 'e âldleauwigen yn Jaroslavl, Ruslân. De tsjerke waard boud tusken 1649 en 1654 en stiet op it plak, dêr't de Kotorosl yn 'e Wolga streamt. De bruorren Nezjdanov, rike keaplju út Jaroslavl, makken de bou finansjeel mooglik. Njonken de Jehannes Krysostomostsjerke stiet de Us Leaffrou-fan-Vladimirtsjerke, dy't foar winterdeis tsjinne en ferwaarme wurde koe.
| Jehannes Krysostomostsjerke
Златоустовская церковь | ||
| ||
| ||
| Lokaasje | ||
| lân |  Ruslân
| |
| oblast |  Jaroslavl
| |
| plak |  Jaroslavl
| |
| koördinaten | 57° 36' N 39° 54' E | |
| Arsjitektuer | ||
| boujier | 1649-1654 | |
| monumintale status | Federaal monumint | |
| monumintnûmer | 761410075260016 | |
| Webside | ||
| Side fan de tsjerke | ||
| Kaart | ||
.svg)  | ||
Skiednis
bewurkje seksjeDe earste, doe noch houten tsjerke yn de sloboda Krovniki waard boud yn 'e 16e iuw. Yn dy delsetting holden de ynwenners harren dwaande mei it hâlden fan fee, túnkjen, fiskjen, pottebakkerij en it meitsjen fan porslyn. Yn 1649 sette de bou fan in stiennen tsjerke útein. It wienen de bruorren Fjodr en Ivan Nezjdanov, dy't it jild foar de bou beskikber stelden. De súdlike sydkapel tsjinne as lêste rêstplak fan 'e bruorren. Fiif jier letter wie de tsjerke klear.
De fresko's fan it ynterieur waarden net earder as yn 'e jierren 1730 oanbrocht. Al efkes earder waard de otterdokse tsjerke fan Us-Leaffrou-fan-Vladimir foltôge, dy't te ferwaarmjen wie en troch de parochy winterdeis brûkt waard. Tusken de beide tsjerken stiet in 37 meter hege mienskiplike klokketoer, dy't yn 'e jierren 1780 boud waard.
Nei de oktoberrevolúsje waarden de beide tsjerken troch de ateïsten sletten en omset yn pakhûzen. Yn 'e Jehannes Krysostomostsjerke waard sâlt opslein, dat soarge foar de oantaasting en ferneatiging fan guon fresko's yn 'e tsjerke.
In protte tsjerken dy't ûnteigene kamen nei it sluten letter yn hannen fan it Museum fan Jaroslavl. De Jehannes Krysostomostsjerke waard nei it ynstoarten fan de Sovjet-Uny lykwols oan 'e mienskip fan de âldleauwigen jûn.[1]
Ofbylden
bewurkje seksje
| Boarnen, noaten en/as referinsjes: | ||
|
