Tsjerke fan Jehannes de Rjochtfeardige yn Kûnstevo (Moskou)

De Tsjerke fan Jehannes de Rjochtfeardige yn Kûnstevo (Russysk: Храм святого праведного Иоанна Русского в Кунцеве) is in otterdoks tsjerkegebou yn Moskou, Ruslân. De tsjerke leit yn it distrikt Kûnstevo fan it Westlike Administrative Okrûg.

Tsjerke fan Jehannes de Rus yn Kûnstevo Храм святого праведного Иоанна Русского в Кунцеве
Lokaasje
lân	Ruslân
plak	Moskou
koördinaten	55° 44' N 37° 24' E
Arsjitektuer
boujier	2010-2016
boustyl	Russyske katedralebou 17e iuw
Webside
ioannrus.ru
Kaart

Skiednis

Yn 2004 krige de bou fan in lytse houten tsjerke de segen fan de Patriarch fan Moskou en hiel Ruslân, Aleksius II. De tsjerke hat de arsjitektoanyske foarm fan in lyts skip, dat karakteristyk is foar âlde Russyske houten tsjerken. Dy foarm (âld-Russysk: кораблец; "in lyts skip") symbolisearret de tsjerke as in taflecht yn 'e stoarm fan it libben.

Oarlochsmonumint by de tsjerke

Yn 2010 ûndertekene de boargemaster fan Moskou de opdracht in stik grûn by de houten tsjerke oan te keapjen om dêr in grutte stiennen tsjerke op te bouwen. De tsjerke makke no ûnderdiel út fan it Projekt-200, in programma om twahûndert nije otterdokske tsjerken te bouwen yn Ruslân's haadstêd.

Op 7 july 2016 waard de tsjerke yn in koarte rite troch de biskop fan it westlike fikariaat fan Moskou konsekrearre. It haadalter is konsekrearre oan 'e Russyske hillige Jehannes de Rus. It sydalter waard konsecrearre oan 'e Ferkundiging fan de Hear. Yn 'e tsjerke is in ikoan fan Jehannes de Rus mei in stikje fan syn reliken.

De lytse houten tsjerke is fersierd mei muorrefresko's en in sulveren ikonostaze yn in technyk, dy't past by âld-Russyske tradysjes mei eleminten fan 'e Byzantynske styl.

Oarlochsmonumint

Op 8 maaie 2015, op de sechtichste jierdei fan 'e ein fan 'e Twadde Wrâldkriich, waard op ynisjatyf fan de parochianen in monumint by de tsjerke ûntbleate fan de "Ferdigener fan it Memmelân". It monumint stelt in soldaat út de Twadde Wrâldkriich foar yn unifoarm. Yn syn hân draacht er in russysk fjoerwapen, wêrfan't de loop nei de grûn wiist.

Ofbylden

• 
  Jehannestsjerke
• 
  De houten tsjerke
• 
  Ynterieur fan de houten tsjerke

Keppeling om utens

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Church of Righteous John the Russian. Commons Wikimedia Commons  Ofbylden dy't by dit ûnderwerp hearre, binne te finen yn de kategory Tsjerke fan Jehannes de Rjochtfeardige, Moskou fan Wikimedia Commons.