Tsjerke fan Panagia Kapnikarea

De Tsjerke fan Panagia Kapnikarea (Gryksk: Εκκλησία της Παναγίας Καπνικαρέας) of allinne Kapnikarea (Καπνικαρέα) is in Gryksk-otterdokske tsjerke yn it sintrum fan 'e Grykske haadstêd Atene. It is ien fan 'e âldste tsjerken yn Atene.

Panagia Kapnikareatsjerke Εκκλησία της Παναγίας Καπνικαρέας
Lokaasje
lân	Grikelân
plak	Atene
koördinaten	37° 58' N 23° 43' E
Arsjitektuer
boujier	11e iuw
boustyl	Byzantynske arsjitektuer
Kaart

Skiednis

Der wurdt fan útgien dat de tsjerke earne yn 'e 11e iuw boud waard, mooglik om 1050 hinne. Lykas wênst mei in soad ier-kristlike tsjerken waard de tsjerke boud oer in heidenske Grykske timpel, faaks wijd oan Atene of Demeter. Doe't kening Otto I de Beierske arsjitekt Leo von Klenze útnoege om de stêd op 'e nij oan te lizzen soe de tsjerke sloopt wurde. It wie de kening fan Beieren, Loadewyk I, dy't beswier makke tsjin de ôfbraak en der yn slagge om it monumint te behâlden.

Beskriuwing

Plattegrûn.

It liket der op dat de Kapnikarea-tsjerke oarspronklik in katolikon fan in kleaster west hat. De tsjerke bestiet út in kompleks fan trije ferskillende dielen, dy't oan inoar boud binne: de grutte súdlike tsjerke dy't oan 'e presintaasje fan Marije oan 'e Timpel wijd is; de kapel fan Barbara oan 'e noardlike kant en de eksonarteks mei de foarhal oan 'e westlike kant.

De súdlike tsjerke is de grutste fan 'e twa tsjerken en hat in koepel. Op grûn fan morfologyske kritearia wurdt de tsjerke krekt efkes nei 1050 datearre.

Lokaasje

De tsjerke stiet yn it sintrum fan Atene sintraal yn it drokke winkelgebiet fan 'e Ermou-strjitte, op de grins mei it Plaka-distrikt.

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Church of Panagia Kapnikarea Commons Wikimedia Commons  Ofbylden dy't by dit ûnderwerp hearre, binne te finen yn de kategory Kapnikarea fan Wikimedia Commons.