Wellington

Wellington (Maory: Te Whanganui-a-Tara of Pōneke) is de haadstêd fan Nij-Seelân. De stêd leit oan de súdkust fan it Noardereilân oan de Cookstrjitte en is neamd nei de hartoch fan Wellington. It is de op ien nei grutste agglomeraasje fan it lân.

Wellington
Lambton Harbour, Wellington
Bestjoer
Lân	Nij-Seelân
Regio	Wellington
Territorial authorities	Wellington City Lower Hutt City Upper Hutt City Porirua City
Boargemaster	Justin Lester (Labour)
Sifers
Ynwennertal	412.500 (2017)
Oerflak	444 km²
Befolkingsticht.	930 km²
Stêdekloft	1390 km²
Hichte	0-495 m
Oar
Stifting	1839
Tiidsône	NZST (UTC+12)
Simmertiid	NZDT (UTC+13)
Koördinaten
Offisjele webside
www.wellingtonnz.com

Lizzing Wellington op it Noardereilân

De grutte finansjele ynstellings fan Nij-Seelân binne ferdield oer Wellington en Auckland (dat oant 1865 de haadstêd wie), guon ynstellingen hawwe haadkantoaren yn beide plakken. Wellington is Nij-Seelân syn politike haadstêd. It parlemint en de haadkantoaren fan alle ministearjes binne der ferstige. Wellington wurdt ek faak beskôge as it kultuerele sintrum fan it lân en hat ûnder oaren in film- en teateryndustry fan wrâldklasse, Te Papa (it nasjonaal museum fan Nij-Seelân) en i botanyske tún.

Wellington is ferneamd nei Arthur Wellesley, de earste hartoch fan Wellington. De titel fan it hartochdom komt fan de stêd Wellington yn Ingelân. Yn it Maori hat Wellington twa nammen, Te Whanganui-a-Tara doelt op de haven fan Wellington en betsjut de grutte haven fan Tara. De oare namme is Pōneke, dêr't it gebrûk fan ûntmoedige wurdt omdat tocht wurdt dat it gewoan in ferbastering fan in Ingelske bynamme foar de stêd: Port Nick (koart foar Port Nicholson).

Demografy

18,5 persint fan de ynwenners fan Wellington is jonger as 15 jier tsjin in nasjonaal trochsneed fan 22,7 persint. Likernôch 8,6 persint fan de minsken is âlder as 65 jier, nasjonaal is dat trochstrings 12,1 persint. Dat Wellington hat in relatyf grut tal arbeidsproduktive ynwenners. Dat komt mei troch de grutte sosjale en kultuerele oplibbing dy't de stêd op 't heden belibbet.

Fan de ynwenners fan Wellington is 85,6 persint fan oarsprong Europeaan. 4,1 persint is fan Maori-komôf en it oerbliuwend part komt fan de eilannen yn de Stille Oseaan en Aazje.

Berne yn Wellington

• Thomas Stafford Williams (20 maart 1930), kardinaal-aartsbiskop fan Wellington
• Jane Campion (30 april 1954), regisseur
• Vaughan Coveny (13 desimber 1971), fuotballer
• Russell Crowe (7 april 1964), akteur
• Wynton Rufer (29 desimber 1962), fuotballer

• 
  Panorama
• 
  Haven