Bouhoeke

De Bouhoeke is it lânbougebiet yn it noarden fan Fryslân. It gebiet leit ten noarden fan de snelwei Ljouwert - Frjentsjer - Harns. De streek tusken Harns, Boalsert en Frjentsjer wurdt ek wol 'Lytse Bouhoeke' neamd.

Op de klaaigrûn wurde benammen jirpels, sûkerbiten, nôt en koalsie ferboud. Benammen yn It Bilt is it lânskip beynfloede troch de wurk en hannel yn de lânbou. It gebiet is in mozayk fan perselen boulân en pleatsen mei grutte skuorren, dêr't de jirpels en it oare gewaaks opslein wurdt.

Sûnt it ûntstean fan de ikkerbou oant de 18e ieu is der net folle feroare yn dit gebiet. Yn de 19e ieu kaam de ferbou fan ierdappels op en spesjalisearren de boeren har. Troch ta tanimmende meganisaasje yn de 20e ieu binne in soad minsken fan 'de klaai' ferhuze en rekke it gebiet mear ûntfolke. It oantal foarsjenning waard dêrtroch lytser. Sûnt de 21e ieu wurde der ek in soad wynmoleparken delsetten omdat it yn de bouhoeke in soad waait en der minder minsken lêst fan hawwe as yn ticht befolke gebieten.