Moarre: ferskil tusken ferzjes

De namme sil fan "sompich lân" komme. Dit kin strike, want Moarre leit oan de noardkant fan it gebiet tusken [[Eanjum]] en [[Ie]] dat [[De Kolken]] neamd wurdt en earst sa om 1900, troch de wetterstân better te regeljen brûkber makke is.

 

Moarre leit oan de [[Lauwerssee]]wei tusken [[Mitselwier]] en Eanjum. De [[Moarster Feart]] rint fan Moarre nei it súdeasten nei de [[Reidswâl]] ûnder Mitselwier en slút der oan op de [[Suderie]].

 

Moarre/Ljussens lei sûnt 1913 oan it [[spoar fan Ljouwert nei Eanjum]]. Allinne de namme "Stasjonswei" is oerbleaun. It spoar is yn de [[Twadde Wrâldkriich]] opbrutsen. Sûnt 1933-36 waarden der al gjin reizgers mear ferfierd.

 

Moarre hie 19 stimmen. Regel wie dat dy stimhawwers de tsjerkfâden keazen. Dy tsjerkfâden foarmen dan ek it deistich doarpsbestjoer. Yn Moarre lei dat oars; troch in âld foarrjocht fan de eigners fan de states Hooghuistra, Botma, Heemstra en Nittema wienen dy om bar tsjerkfâd.

 

De tsjerke dy't wijd wie oan Jehannes de Evengelist, is ûntstien yn twadde helte fan de [[13e ieu]]. Yn [[1843]] hat der in ferbouwing plak fûn. Doe is de neo klassike lantearne ta stân kommen.

 

Yn [[1989]] hat oargelmakkerij Bakker & Timminga de disposysje wer werom brocht sa as Schwarzburg dy oplevere hie.

 

Oan de noardkant fan de tsjintwurdige Kleasterwei lei it kleaster Weerd of Templum Domnini. Folle is der oer dit nobertinessenkleaster net bekend. It wie in âld kleaster, dat al foar 1326 bestie. It is fan [[Dokkum]] út stifte.

 

 

Yn [[1569]] hawwe de wettergeuzen it kleaster plondere en yn 'e brân stutsen. Dat wie de deastek foar it kleaster. Yn 1580 namen de Steaten it kleasterbesit oer. De lettere pleats dy't op it plak fan it kleaster kaam te stean, hie 187 pûnsmiet lân. Foar in pleats in protte, mar der is dus ek in protte lân yn oare hannen oergien.

Der is in feriening foar Doarpsbelangen dy't gearkomt yn doarpshûs De Stikel. Bern geane meast yn Ljussens nei basisskoalle De Griffel.

*[[1954]] - 473

*[[1959]] - 429

*[[1974]] - 295

*[[2004]]? - 240

 

Achterwei, Bûtenwei, Fjellingswei, Grutte Buorren, Griene Reed, Headamsterwei, Hearrewei, Keechsdyk, Kleasterwei, Koudenburgerreed, Lytse Buorren, Moarsterwei, Skyligerwei, [[Teatske Alzum]]strjitte, Tsjerkestrjitte, Weardwei.

*Teatske Alzum fan Moarre wie in Frysk skriuwster (1899-1962). [[Kate Ashton]] út Skotlân skreaun oer har it boek "Teatske Alzum har wrâld".

* [[De Moarre]] - in mar yn súdwest Fryslân.

* [[Fryske doarpen]]

*[http://www.morra-lioessens.tk/ Webstee Moarre-Ljussens]

*[http://www.historischekerken.nl/Friesland/Morra.html Tsjerke fan Moarre]

[[Kategory:Dongeradiel]]

[[Kategory:East-Dongeradiel]]