Liter: ferskil tusken ferzjes
nedige side |
(Gjin ferskil)
|
De ferzje fan 30 des 2010 om 21.56
In liter is in ynhâldsmjitte dy't yn it deistich ferkear in soad brûkt wurdt om it folume fan in floeistof of in gas oan te jaan. Hoewol't it gjin SI-ienheid is, wurdt in brûken derfan eksplisyt akseptearre troch it Bureau International des Poids et Mesures (BIPM). It troch it BIPM oanrikkemandearre alternatyf is om folumes yn dm³ of m³ út te drukken.
Yn de measte lannen wurdt yn de regel it symboal l foar liter brûkt. Op oare plakken, benammen yn de wittenskiplike literatuer, wurdt ek it symboal L brûkt; Dit wurdt dien om betizing mei it sifer 1 te foar te kommen.
In liter tsiet lyk oan:
- 1000 kubike sintimeter (1000 cc)
- 1 kubike desimeter (1 dm³)
- 0,001 kubike meter (1/1000 m³)
De maat liter komt út 1793, doe't hy yn Frankryk by de Frânske revolúsje ynfierd waard. De namme liter (litre yn it Frânsk) is ôflaat fan in âldere Frânske maat, de litron. Dizze namme is oarspronklik Gryksk en kaam fia it Latyn yn it Frâns terjochte.