St. Paul (Minnesota): ferskil tusken ferzjes

{{Stêd mei flagge|

Ynwennertal= 290.770 <small>(2012)</small>|

Befolkingstichtens= 2.117,5 / km² |

Stêdekloft= 3.422.264 <small>(2012)</small> |

Lân= [[Ofbyld:flag of the United States.svg|20px]] [[Feriene Steaten]] |

Bestj. ienh. 1= Steat |

Bestj. ienh. 2= County |

Namme bestj. ienh. 2= [[Ramsey County (Minnesota)|Ramsey County]] |

Webside= [http://www.stpaul.gov/ www.stpaul.gov]|

}}

'''Sint-Paul''' ([[Ingelsk]]: '''Saint Paul''' of '''St. Paul''') is de [[haadstêd]] en de op ien nei grutste stêd (nei [[Minneapolis]]) fan 'e noardlike [[Feriene Steaten|Amerikaanske]] [[Amerikaanske steaten|steat]] [[Minnesota]]. Dêrnjonken is it ek it haadplak fan [[Ramsey County (Minnesota)|Ramsey County]]. Sint-Paul leit yn it súdeasten fan Minnesota, likernôch 400 km besuden de [[Kanada|Kanadeeske]] grins, oan 'e eastigge fan 'e rivier de [[Mississippy (rivier)|Mississippy]]. Mei it op 'e westigge leine Minneapolis foarmet Sint-Paul in dûbelstêd, de agglomeraasje [[Minneapolis-Sint-Paul]], dy't better bekend is ûnder de oantsjutting ''the Twin Cities'' ("de Twillingstêden"). Neffens in offisjele skatting út [[2012]] hat Sint-Paul goed 290.000 ynwenners, dy't Sint-Pauliten neamd wurde. De stêdekloft dy't foarme wurdt troch Sint-Paul, Minneapolis en harren foarstêden en ferstedske omkriten hat in befolking fan rom 3,4 miljoen minsken.

 

De oanwêzigens fan grêfheuvels yn 'e omkriten fan Sint-Paul jout oan dat it gebiet likernôch 2.000 jier lyn bewenne waard troch minsken fan 'e [[Hopewell-kultuer]]. Fan 'e iere [[santjinde ieu]] oant [[1837]], doe't hja twongen waarden de krite oer te dragen oan it Amerikaanske regear, wie it plak dêr't Sint-Paul no leit it wengebiet fan 'e [[Mdewakanton Dakota]], in stamme dy't ta it gruttere folkebûn fan 'e [[Sioux (folk)|Sioux]] heart. Hja neamden it ''I-mni-za ska dan'' ("lytse wite rots"), nei de bleatleine sânstiennene rivierkliffen.

 

Yn [[1841]] arrivearre de preester [[Lucian Galtier]] yn Pig's Eye, dy't stjoerd wie ta geastlike soarch fan 'e [[roomsk-katolisisme|roomske]] Frânsktalige Kanadezen. Hy boude in kapel dy't er neamde nei syn favorite [[hillige]], de [[apostel]] [[Paulus (apostel)|Paulus]], en bewurkmastere dat it hiele stedsje dy namme oannaam. Sadwaande wurdt 1841 yn 'e regel beskôge as it jier dat Sint-Paul stifte is. Yn [[1849]], doe't it territoarium Minnesota foarme waard, waard Sint-Paul oanwiist as haadplak. Yn [[1854]] krige it de status fan stêd. Doe't de territoriale folksfertsjintwurdiging yn [[1857]] besleat om 'e haadstêd te ferpleatsen nei [[Saint Peter (Minnesota)|Sint-Peter]], waard it iennichste eksimplaar fan 'e papierrene tekst fan 'e oannommen wet stellen troch it territoriaal parlemintslid [[Joe Rolette]], dy't dermei ûnderdoek, sadat de ferpleatsing fan 'e haadstêd gjin trochgong fine koe.

 

Yn 'e twadde helte fan 'e [[njoggentjinde ieu]] fungearre Sint-Paul as de poarte ta de [[Amerikaanske frontier|''frontier'']] fan Minnesota en ta it [[Dakota-territoarium]], mei't it de lêste stêd oan 'e bopperin fan 'e Mississippy wie dy't de steamboaten noch oandwaan koene (om't de hege rivierkliffen de rivierwâlen streamop ûntagonklik makken). Yn dy snuorje stie de Sint-Paul ek wol bekend as "De Lêste Stêd fan it Easten". Op [[20 augustus]] [[1904]] rjochte slim [[swierwaar]], mank geand mei ferskate [[tornado|tornado's]], yn 'e binnenstêd fan Sint-Paul foar $1,8 miljoen (yn hjoeddeisk jild $45,5 miljoen) oan skea oan. Oan 'e ein fan 'e [[Fietnamoarloch|Fjetnamoarloch]], mids jierren santich, setten tsientûzenen [[Hmong (folk)|Hmong]]-flechtlingen út [[Fietnam|Fjetnam]] en [[Laos]] (dy't de Amerikanen yn 'e oarloch stipe hiene) harren nei wenjen yn Sint-Paul. Yn [[2004]] makken de Hmong 10% fan 'e befolking fan 'e stêd út.

 

Hoewol't Minneapolis nasjonaal en ek ynternasjonaal folle bekender is, binne yn Sint-Paul njonken it steatsregear ek wichtige organisaasjes en ynstituten fêstige, lykas it ''[[Xcel Energy Center]]'' (in grut sport- en evenemintesintrum), de [[iishockey]]ploech de ''[[Minnesota Wild]]'' en it [[Wittenskiplik Museum fan Minnesota]]. De stêd is fierders ek in wichtich sakesintrum foar it [[Amerikaanske Midwesten]]. Tegearre mei Minneapolis stiet Sint-Paul bekend om syn hege [[alfabetisearring]]spersintaazje.

 

* [[Frank Loomis]] (1896), atleet

* [[Winslow Briggs]] (1928), botanikus

 

[[Kategory:Plak yn Minnesota]]