|
[[Ofbyld:OxfordshireOxford.png|thumb|right|150px|<small>Lizzing yn Oxfortshire</small>]]
'''Oxford''' is in [[stêd]], en de haadstêd fan it [[Greefskippen fan Ingelân|greefskip]] [[Oxfordshire]], yn súdeast Ingelân. De stêd is ferneamd wurden troch syn midsieuskemidsiuwske universiteit. Der wenje sa'n 165,000 minsken, dêrfan 151,000 binnen de distriksgrinzen. De rivieren Cherwell en [[Teems]] rinne troch Oxford en komme justjes besuden it sintrum byinoar. De Teems yn Oxford hjit 'De Isis', oer in lingte fan sa'n 10 km. Oxford is fanâlds in stêd mei in soad yndustry, benammen de foarstêd Cowley hat in grutte autoyndustry..
Oxford wurdt wol de "stêd fan de dreamerige spitsen" (''City of the dreaming spires'') neamd, om de harmoanyske [[arsjitektuer]] fan de universiteitsgebouwen mei harren tuorkes; de term is munte troch [[Matthew Arnold]].
== Skiednis ==
Oxford is ûntstien yn de tiid fan de [[Angelsaksen]], en wie yn't earstoan bekend as ''Oxanforda''. It begûn mei de stifting fan it Sint Frideswide's [[Kleaster|nonnekleaster]] yn de [[8e ieuiuw]]. Oxford waard foar it earst neamd yn Angelsaksyske [[kronyk|kroniken]] fan it jier [[912]]. De [[Universiteit fan Oxford]], is de âldste universiteit fan Ingelân en de ingelsksprekkende wrâld.<ref>Sager, 2005. s.36.</ref> en wurdt al yn de [[12e ieuiuw]] neamd. De earste kolleezjes fan Oxford wienen University College ([[1249]]), Balliol ([[1263]]), en Merton ([[1264]]).
De ferhâlding tusken ''town and gown'' (stêd en toga) wie net altyd like maklik en late yn [[1355]] ta fjochterij dêr't ferskate studinten by dea rekken (de ''Saint Scholastica Day Riot'').
Hoewol't der yn Oxford yn de [[Ingelske boargerkriich]] ([[17e ieuiuw]]) in protte stipe wie foar de oanhingers fan it parlemint, waard de stêd yn [[1642]] it haadkertier fan kening [[Karel I fan Ingelân|Karel I]] fan Ingelân en syn hof, nei't de kening út [[Londen]] ferdreaun wie. Yn [[1646]] joech de stêd har lykwols oer oan de troepen fan de saneamde ''Parliamentarians'', laat fan generaal [[Thomas Fairfax]].
Yn de iere [[20e ieuiuw]] waakste de yndustry en de befolking hurd oan yn Oxford. Drukkerijen en útjouwerijen dienen it tige bêst yn de tweintiger jierren. Ek makke doe de autoproduksje troch de Morris Motor Company yn Cowley opgong, dat in protte wurk opsmiet, dêr't foaral jongkeardels út [[Wales]] op ôf kamen. Wales hie doe krekt te lijen fan in tekoart oan iten troch in rige fan tsjinjierren yn de lânbou. De plakken [[Headington]] en Risinghurst waarden yn [[1929]] anneksearre troch de gemeente Oxford.
It [[Oxford Ingelsk Wurdboek]] wurdt útjûn troch de [[Oxford Universiteits Parse]].
| 