[[File:Lânkaart lokaasje Hollânsk-Fryske mingdialekten.PNG|left|thumb|250px|De lokaasje fan 'e Hollânsk-Fryske mingdialekten yn 'e provinsje [[Fryslân]].]]
Guon fan dy taalfoarmen binne yn 'e [[16e ieuiuw|sechstjinde]] en de [[santjinde ieuiuw]] ûntstien troch in ynfluks fan Hollânske kolonisten. Yn it gefal fan [[it Bilt]] gie it dêrby om [[polder]]wurkers en [[boer]]en, dy't de mûning fan 'e âlde [[Middelsee]] droechmakkendrûchmakken en har der doe nei wenjen setten. Meitiid rekke harren Hollânsk ferbastere ta in mingtaal. Yn 'e gruttere plakken wiene it de bestjoerders dy't út it bûtenlân kamen, de elite dus, wa har spraakgebrûk oft troch de sljochtwei stedsjers oernommen waard en dêrby fermongen mei har oarspronklike Fryske sprektaal.
In selde ûntjouwing fûn yn 'e sechstjinde ieuiuw plak op it [[Waadeilân]] [[Skylge]], dêr't it doarp [[Midslân]] de sit fan it Hollânske bestjoer wie. Ek op [[it Amelân]] is sprektaal fan 'e befolking ferhollânske, in proses dat yn 'e sechstjinde ieuiuw yn it westen fan it eilân begûn en yn 'e [[achttjinde ieuiuw]] op it eastlike part einige. Mooglik spile ek dêr in rol dat it Hollânsk de bestjoerstaal wie, al is noch altyd net dúdlik wêrom't de beide úteinen fan Skylge, dat fan [[1398]] oant [[1942]] ûnderdiel fan Hollân wie, har [[Fryske dialekten]] beholden hawwe, wylst it Amelân, dat oant [[1795]] in selsstannich steatsje wie, ûntfryske rekke is.
